Kultura44

Na suśvietnapryznanym kirmašy sučasnaha mastactva pradstavili karciny biełaruskaha mastaka

19-aja edycyja słynnaha kirmašu sučasnaha mastactva Volta Basel u Šviejcaryi prachodzić nie biez udziełu biełaruskaha mastactva — vienskaja halereja Rodler Gschwenter Gallery pradstaŭlaje na padziei tvory žyvapisca z Barysava Jaŭhiena Šadko.

Pra heta paviedamlaje vydańnie Reform.news.

U prahramie sioletniaha kirmašu, jaki ładzicca z 10 pa 16 červienia, prymajuć udzieł bolš za 45 halerej z 24 krain śvietu. U hetym hodzie forum ładzicca pad kiraŭnictvam art-dyrektara Li Kavaljerie.

Rodler Gschwenter Gallery, jakaja pradstaŭlaje Jaŭhiena Šadko, była zasnavana ŭ 2020 hodzie kuratarkami Marynaj Rodler i Siuzi Hšvienter. Jany pazicyjanujuć svaju instytucyju jak miesca dla asabistych sustreč i intelektualnaha abmienu — miesca, dzie stvarajecca žyvy dyskurs. Halereja prasoŭvaje pieravažna aŭstryjskich tvorcaŭ, ale taksama i aŭtaraŭ z usioj Jeŭropy.

Karciny biełaruskaha mastaka, u pryvatnaści, halereja nazyvaje dalikatnymi i emacyjnymi, u jakich spałučajecca fihuratyŭnaść i abstrakcyja.

Jaŭhien Šadko «Marmurovy čałaviek».

«Karciny Jaŭhiena Šadko z zachaplalnaj napružanaściu akcentujuć uvahu na postaci čałavieka ŭ maładości[…]

Tonkaje spałučeńnie fihury i abstrakcyi charaktaryzuje jaho tvorčaść, krynicaj jakoj časta źjaŭlajucca fotazdymki, zroblenyja im samim. Ale tut zdymak źlivajecca ź jaho bačańniem, bo jarkaja ŭspyška, jakuju jon vykarystoŭvaje, napaŭniaje vyjavy sučasnaj estetykaj. Hieroi jaho tvoraŭ vyrvany sa svaich indyvidualnych historyj i źmieščany ŭ biezymiennuju śfieru. Tut padkreślivajecca ich izalavanaść i ŭraźlivaść, i ŭ toj ža čas jany znachodziacca ŭ centry ŭvahi ŭjaŭnaj sceny. Pramianistaja hulnia koleraŭ na ciomnym fonie, naviaźlivaja faktura — usio heta nadaje vobrazam Šadko adcieńnie nierealnaści. Miełancholija, jakaja zachaplaje, časam tryvožyć — zachaplalnaje spałučeńnie», — raspaviadaje pra admietnaść stylu aŭtara instytucyja.

Na Volta Basel žyvapis Jaŭhiena Šadko pradstaŭlena razam z tvorami troch inšych mastakoŭ: Doma Simona (Dom Simon) z Francyi, Terezy Miuler (Theresa Möller) i Krystafiera Roda (Christoph Rode) z Hiermanii.

Karcina Jaŭhiena Šadko raźmieščana na vizitoŭcy halerei na art-kirmašy.

Jaŭhien Šadko «Nastalhija».

Adras hałoŭnaj placoŭki Volta Basel — Klybeck 610, Gärtnerstrasse 2.

Vienskaja halereja, dzie možna ŭbačyć karciny biełaruskaha mastaka, znachodzicca na hary 7-maha rajona ŭ Vienie — pa adrasie Zollergasse 29.

Kamientary4

  • Acabčyk Mastacki
    16.06.2024
    była zasnavana ŭ 2020 hodzie kuratarkami Marynaj Rodler i Siuzi Hšvienter

    Akabčyk Maleńki daručaje lubamu čytaču pahuhlić ŭ jakim ministerstvie spadaryń pryznačyli kuratarkami i kolki biudžetnych hrošaj vydzialili na ŭvieś heny bal
  • Acabčyk Mastacki
    16.06.2024
    Acabčyk Mastacki, chopić tut siejać nacyjanał sacyjalizm
  • Indiejec
    17.06.2024
    [Red. vydalena]

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ2

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?16

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →