Hramadstva1919

Łatuška pra razborki ŭ KR: «Jahoraŭ pastaviŭ ultymatum: albo my ź jaho błokam, abo jany buduć nas atakavać»

Pavieł Łatuška prakamientavaŭ «Našaj Nivie» razborki ŭ Kaardynacyjnaj radzie. Nahadajem: jaho frakcyju abvinavacili ŭ sprobie źmianić praviły hulni, a kankretna — źmianić statut KR.

Palityk nie ličyć, što adbyvajecca niešta niezvyčajnaje, bo dla demakratyčnych instytucyj dyskusii — heta narmalnyja palityčnyja pracesy. Mienavita praz heta ciapier prachodzić Kaardynacyjnaja rada.

— Mnie zhadvajecca kanfierencyja, kali vystupali ŭsie lidary śpisaŭ. Tady praktyčnaja bolšaść skazała: «Dla nas hałoŭnym budzie pierahledzieć rehłamient Kaardynacyjnaj rady». Darečy, my adzinyja, chto staviŭ u jakaści pryjarytetu nie hetaje pytańnie, a pryniaćcie kankretnych rašeńniaŭ. Naprykład, spraščeńnie vizavych pracedur.

Łatuška tłumačyć: papiaredni rehłamient byŭ raspracavany pad patreby Kaardynacyjnaj rady druhoha sklikańnia, jakaja farmiravałasia zusim inšym šlacham, kali ad roznych arhanizacyj vyłučalisia pradstaŭniki. A ciapier upieršyniu adbyŭsia praces vybaraŭ.

— Kaardynacyjnaja rada abrana pa śpisach — tak farmirujecca parłamient u demakratyčnych krainach. Kaardynacyjnuju radu papiaredniaha sklikańnia, pry ŭsioj pavazie, šmat krytykavali za vałakitu, nieprazrystaść, nieefiektyŭnaść. I heta taksama mieła ŭpłyŭ na vybarčuju kampaniju novaj Kaardynacyjnaj rady — čamu tak mała biełarusaŭ prahałasavała. Tamu dla nas hałoŭnym źjaŭlajecca spraścić pracedury pryniaćcia rašeńniaŭ, zrabić ich bolš prazrystymi, adkrytymi, zrazumiełymi dla ludziej. I jak maha chutčej pačać pracavać.

Pavieł Łatuška adznačyŭ: jaho razam z paplečnikami pierad pačatkam pracy Kaardynacyjnaj rady treciaha sklikańnia ździviła toje, što ŭ dziejučym rehłamiencie KR niama ničoha nakont taho, jakim čynam pavinna pracavać novaja Kaardynacyjnaja rada. Tamu palityk ličyć nieabchodnym stvareńnia arhanizacyjnaha kamiteta, kab padrychtavać pieršaje pracoŭnaje pasiadžeńnie Kaardynacyjnaj rady.

— Kali chtości kaža pra niekanstruktyŭnaść našaj pazicyi, davajcie pačniom z taho, što my zaprasili na sustreču mienavita spadara Jahorava i prapanavali ź im abmierkavać padrychtoŭku pieršaha pasiadžeńnia, rehłamient praviadzieńnia, źmiest paradku dnia. Na žal, jon kateharyčna admoviŭsia heta rabić i pastaviŭ ultymatum: albo my z błokam Prakopjeva-Jahorava, abo jany buduć nas atakavać. Takim čynam naŭrad ci možna dasiahać damoŭlenaściej, ale heta nie aznačaje, što ja nie praciahvaju ruku Jahoravu, ci Prakopjevu, ci Knyroviču.

Palityk kaža, što jaho frakcyja prapanoŭvaje ŭvieści časovyja praviły i pracedury dla taho, kab abrać śpikiera, vice-śpikiera (a mahčyma, i dvuch vice-śpikieraŭ, adzin ź jakich byŭ by pradstaŭnikom apazicyi). Jon taksama śćviardžaje, što błok hatovy abmiarkoŭvać kiraŭnictva kamisijami dla tych błokaŭ, jakija nie ŭvachodziać u kaalicyju bolšaści. A taksama paralelna pracavać nad źmienami ŭ prypynieny rehłamient Kaardynacyjnaj rady.

Łatuška ličyć, što realna zrabić, kab adrazu išła praca pa kankretnych temach, jakija cikaviać biełarusaŭ, i adnačasova adbyvałasia b udaskanaleńnie rehłamientu KR.

— Na siońnia my stvaryli kabiniet roznymi kaalicyjami, roznymi śpisami. Važna, što roznyja pa pohladach, padychodach, pryjarytetach śpisy abjadnalisia dla taho, kab chutka arhanizavać pracu Rady. Nam było prapanavana: «Davajcie pačakajem niekalki tydniaŭ, paźniej abiarom śpikiera». Ja nie dumaju, što našyja vybarščyki čakajuć, što my budziem miesiacami budziem pracavać nad źmienaj rehłamientu, miesiacami abirać śpikiera i vice-śpikiera, a paźniej tolki pačniom pracavać. Tamu my chočam, kab jak maha chutčej adbyłosia pieršaje pracoŭnaje pasiadžeńnie Kaardynacyjnaj rady.

Kamientujučy kanflikt źviazany z sumiaščeńniem mandataŭ (u svoj čas u statut Kaardynacyjnaj rady druhoha sklikańnia zapisali punkt, pavodle jakoha nielha spałučać «ministerskuju» pasadu ŭ kabiniecie Śviatłany Cichanoŭskaj i status deputata KR), Pavieł spasłaŭsia na prykład inšych krain.

— Jeŭrapiejskija parłamienty — Polšča, Čechija, Litva, Irłandyja — vybudoŭvajuć schiemu, kali kaalicyi, jakija pieramahli na vybarach u parłamient, farmirujuć i ŭrad. Zrazumieła, što ŭ nas nie parłamient, nie ŭrad, ale my prapanoŭvajem vykarystoŭvać mienavita takuju schiemu, kali pradstaŭničy orhan udzielničaje ŭ farmiravańni vykanaŭčaha. I heta nie źjaŭlajecca supiarečańniem, a naadvarot pažadana, kab delehat Kaardynacyjnaj rady moh być i členam Abjadnanaha pierachodnaha kabinieta. Bo tady skaračajecca šlach dla ŭzajemadziejańnia. Nam ža važna, kab rašeńni prymalisia chutka i bolš efiektyŭna realizoŭvalisia ŭ intaresach biełarusaŭ. A tut u rehłamiencie zakładziena, kab byli dźvie instytucyi, jakija buduć zaŭsiody vieści pamiž saboj baraćbu.

Palityk taksama śćviardžaje, što za niekalki hadzin da pieršaha ŭračystaha sumiesnaha pasiadžeńnia Kaardynacyjnaj rady druhoha i treciaha składu była apublikavana pastanova (jakaja nie była padpisana), zhodna ź jakoj prypyniałasia prava hołasu dla Paŭła Łatuški i Aliny Koŭšyk jak dla členaŭ Abjadnanaha pierachodnaha kabinieta.

— Nu, viedajecie, druhi raz pačynać pracu z taho, što ciabie chočuć vykinuć z Kaardynacyjnaj rady — i ŭ hety raz za ciabie prahałasavali tysiačy biełarusaŭ… Pahadziciesia, heta dziŭnaja situacyja. Ja za toje, kab šukać kampramisy dla dasiahnieńnia met. A meta ŭ nas adna — źnieści režym Łukašenki.

Kamientary19

  • Taťjana
    16.06.2024
    Pał Pałyča vybrał narod Biełarusi na čiestnych vyborach. On tiepieŕ na 5 let vsienarodnoizbrannyj nacionalnyj lidier! Po zakonu Pałyč imiejet pravo vozhłaviť narodnyj parłamient. Jehorka pusť uchodit v oppoziciju i nie miešajet rabotať. 
  • Kałatuška
    16.06.2024
    Abviaściŭ pravavy likbiez pa viersii WBA. Kličko ivo nie padzieržyvajeć - chočyć pa IBF ci može saŭsiem pa WBC. Sienatar iz Ahajio chočyć vaapšče pa WBO (možyt pierasmatreŭ katorych filmaŭ z Demi Moore). Karotče Chitrazačosany z kluškaj stroić hrynh koło Pałaca Niedarespubliki. Vyjhraŭšy Chto?Dzie?Kali? zabirać €ŭratpylijon katory Słava Kamisarenka styryŭ ŭ Mellstroy poki apošni šašni vadziŭ pa Turcyi. V opščem nas čykaić tryndziec - avianoscy kłasa Nimitz u ściapiach Ukra@ne nisuć svoj Tomahawk na zło impieryjalistyčnaj Kubani. Da zdastvujeć SibirNaš - siła Čajkanšy pieraŭzychodzić manholskuju dziemakraciju.
  • Radar
    16.06.2024
    Pavpžany Pavieł Paułavič jany nie biełarusy da taho ž, šlecie ich lesam

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →