Hramadstva1717

Pavuk zatroliŭ Pamiežny kamitet pytańniami pra mihrantaŭ i rasijskuju armiju

Błohier Andrej Pavuk patelefanavaŭ u Pamiežny kamitet, kab pahavaryć ab mihracyjnym kryzisie i daviedacca, jak rasijskija vojski patrapili ŭ 2022 hodzie va Ukrainu. Razmovu apublikavali ŭ šou na «Biełsacie».

Fota: Dziaržaŭny pamiežny kamitet 

Surazmoŭcam Andreja Pavuka staŭ dziažurny pa Pamiežnym kamitecie pałkoŭnik Anatol Kaziučyc.

Na siońnia kryzisu ź mihrantami niama

Na pytańnie, čamu pamiežnaja słužba Biełarusi nie spyniaje ataki mihrantaŭ miažy z Polščaj, Kaziučyc pacikaviŭsia, adkul u Pavuka takaja infarmacyja.

— Pakazvaje litoŭskaje i polskaje telebačańnie — adkazaŭ Pavuk.

— Nie ŭsim treba vieryć. Treba svaje vysnovy rabić, — paraiŭ padpałkoŭnik i zapeŭniŭ, što prablemy ź mihrantami na miažy z Polščaj niama. A kali b sapraŭdy adbyvałasia, to «było b na vysokim uzroŭni daviedziena i aśvietlena ŭ srodkach masavaj infarmacyi».

Andrej Pavuk Andriej Pauk Andrej Pauk
Ckryn videa: belsat_life / YouTube

Kali Pavuk nahadaŭ, što biełaruskaje telebačańnie aśviatlała prablemu ź mihrantami na miažy, Kaziučyc pahadziŭsia, što «byli takija momanty» i patłumačyŭ ich pryčynu:

«Sabrałasia kuča ludziej, tamu što z krain Azii ich pryhoža paklikali ŭ Jeŭropu lubymi šlachami».

Udakładnić, chto ich paklikaŭ, pałkoŭnik nie zmoh, patłumačyŭšy:

«U palitycy my nie raźbirajemsia. Naša zadača — achoŭvać dziaržaŭnuju miažu».

Pa słovach Kaziučyca, hetyja fakty byli ŭ minułym, a na siońnia kryzisu ź mihrantami niama. Na zaŭvahu Pavuka ab tym, što i ciapier jość sproby nielehalnaha praryvu miažy mihrantami, pałkoŭnik paprasiŭ jamu ab ich paviedamić:

«Ja prašu vas paviedamlać ab ich, tamu što kali jany buduć viadomyja, to pamiežniki buduć adpaviednym čynam na ich reahavać u lubym vypadku».

Jak rasijskija vojski prajšli va Ukrainu

Na pytańnie, jak rasijskija vojski prajšli va Ukrainu, pałkoŭnik Kaziučyc adkazaŭ: «Z boku Rasii».

— Jak z boku Rasii, kali sam Łukašenka pryznavaŭsia, što z terytoryi Biełarusi zachodzili asobnyja vojski. Ci vy jamu nie daviarajecie? — spytaŭ Pavuk.

— Daviaraju.

— To jak vy prapuścili praź miažu Uzbrojenyja siły Rasijskaj Fiederacyi?

— Nie mahu heta viedać, jak prapuścili, — adkazaŭ Kaziučyc i paprasiŭ zadavać pytańni pa sutnaści.

Na takuju prapanovu Pavuk pacikaviŭsia mierkavańniem pałkoŭnika, chto ździejśniŭ trahiedyju ŭ Bučy. Na heta atrymaŭ adkaz — «ukrainskija nacyjanalisty».

— To pakul ruskija nie pryjšli, ukrainskija nacyjanalisty ničoha nie rabili? — udakładniŭ Pavuk.

— Ja nie karespandent — ni ŭkrainski, ni rasijski. Na miescy hetych padziej ja nie byŭ. I našym ŚMI, i rasijskim vieru ŭ poŭnaj miery, — adkazaŭ pałkoŭnik.

Kamientary17

  • Aksanačka Dziahielka
    16.06.2024
    Dziadźka Andruś, zaśpiavajma iznoŭ, jak tady jak pad viedamstvam spadara Łatuški na ŭtrymańnie stabilnaści z sacyjalnanakiravanaściu pracavali, pra ladovy pałac ŭ Rudabiełcy! Stamiłasia ja biaz vas, pieśnia z hrudziej vyryvajecca, jak ŭ cyrulnika pra padyšachavyja rohi, nie spynić, nie strymać!
  • Pavučycha Byłaja
    16.06.2024
    Treba nia tolki kurdaŭ, ŭsich nia vypuskać z sasuta stabilnaści.
    I jašče ja jak nastaŭnica pra škodu kanoplaŭ abaznanaja lepiej za ŭsich ŭ Śviecie. Kali kamu što treba zabaranić, źviartajciesia, navukova abhruntuju. Jak nastaŭnica
  • Šmat sonca nad bałotam
    16.06.2024
    Lepš by zamiest hetaha ahidnaha słupa ŭ ahidnych kolerach dali pryhožy fotazdymak Pavuka ci niaščasnych mihrantaŭ, ci mužnych polskich žaŭnieraŭ!

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →