Ułady Rumynii nie puściać delehacyju ź Biełarusi na siesiju PA ABSIE ŭ Buchareście
Ułady Rumynii nie dapuściać udziełu delehacyj Rasii i Biełarusi ŭ 31-j štohadovaj siesii Parłamienckaj asamblei ABSIE, jakaja projdzie ŭ Buchareście z 29 červienia pa 3 lipienia, paviedamiła MZS hetaj krainy.
Zabarona budzie prymianiacca da ŭsich členaŭ delehacyj, parłamientaryjaŭ i techničnaha piersanału: im budzie admoŭlena ŭ vizach.
«Rašeńnie rumynskaha boku zasnavanaje na viadomaj i paśladoŭnaj pazicyi Rumynii ŭ dačynieńni da Rasijskaj Fiederacyi, va ŭmovach praciahłaj ahresiŭnaj vajny suprać Ukrainy. Taksama ŭ dačynieńni da niekatorych členaŭ rasijskaj delehacyi ŭ Parłamienckaj asamblei ABSIE dziejničajuć abmiežavalnyja miery na ŭzroŭni Jeŭrasajuza.
Rašeńnie taksama nakiravanaje suprać Biełarusi, jakaja źjaŭlajecca prychilnicaj vajny, raspačataj Rasijskaj Fiederacyjaj», — zajaviŭ aficyjny pradstaŭnik MZS Rumynii Radu Filip.
Kamientary