Śviet33

Adna ź niejrasietak paśpiachova prajšła test Tjurynha. Heta adbyvajecca ŭpieršyniu ŭ historyi

Navukoŭcy z Kalifarnijskaha ŭniviersiteta praviali dla niekalkich niejrasietak sapraŭdny test Tjurynha i dali im pahutaryć z 500 roznymi ludźmi, jakija potym pavinny byli adkazać, z čałaviekam ci z mašynaj jany razmaŭlali. Vyniki akazalisia losavyznačalnymi dla ŭsiaho čałaviectva, kažuć daśledčyki.

Ilustracyjnaja vyjava. Fota: vecteezy

Kamanda navukoŭcaŭ z Kalifarnijskaha ŭniviersiteta niadaŭna praviała suśvietna viadomy test Tjurynha z metaj vyśvietlić, ci mohuć sučasnyja madeli štučnaha intelektu (ŠI) praŭdapadobna imitavać čałaviečyja znosiny i kolkich ludziej atrymajecca ŭvieści ŭ zman, kali dać im pahutaryć z ŠI, pieradaje časopis Life Science.

Dla hetaha navukoŭcy zładzili pačarhovuju 5-chvilinnuju razmovu niekalkich niejrasietak z 500 roznymi ludźmi, jakich padzialili na 4 hrupy: pieršaja mieła znosiny z sapraŭdnym čałaviekam, a try astatnija — ź niejrasietkami (u ekśpierymiencie vypraboŭvali samy pieršy ŭ historyi čałaviectva čat-bot ELIZA, a taksama treciuju i čaćviortuju viersii niejrasietki ChatGPT).

Zhodna z praviłami testu Tjurynha, nivodzin z 500 respandentaŭ pieršapačatkova nie viedaŭ, z kim jon viadzie razmovu: z mašynaj ci z žyvym čałaviekam. Potym kožny z udzielnikaŭ pavinien byŭ adkazać na pytańnie, ci byŭ ich surazmoŭca sapraŭdnym.

Vyniki akazalisia takija: ChatGPT-4 padčas razmovy zdoleŭ pierakanać 54% udzielnikaŭ u tym, što ź imi mieŭ znosiny žyvy čałaviek. A treciuju viersiju niejrasietki (ChatGPT-3.5) pryniali za čałavieka 50% respandentaŭ.

Čat-bot ELIZA u svaju čarhu zavaliŭ test i 78% udzielnikaŭ adrazu vyznačyli, što ź imi hutaryć mašyna. Realny čałaviek, jaki razam ź niejrasietkami mieŭ znosiny z respandentami, zmoh pierakanać u svajoj čałaviečnaści 67% udzielnikaŭ.

«Pakolki 54% — heta bolšaść, i jana nie zmahła adroźnić mašynu ad žyvoha čałavieka, to ChatGPT prajšoŭ test Tjurynha. Heta adbyvajecca ŭpieršyniu», — zajavili navukoŭcy z Kalifarnijskaha ŭniviersiteta ŭ svaim novym daśledavańni.

Jany taksama pryznajuć, što aryhinalny test Tjurynha zanadta sproščany ŭ svaim padychodzie, «bo stylistyčnyja i sacyjalna-emacyjnyja faktary siońnia adyhryvajuć bolš vialikuju rolu ŭ prachodžańni testu, čym tradycyjnyja paniaćci intelektu».

«Sučasnyja moŭnyja madeli biaskonca hnutkija, jany zdolnyja sintezavać adkazy na šyroki śpiektr tem, vykazvacca na roznych movach i dyjalektach, prymiarać na siabie charakternyja asobavyja jakaści i kaštoŭnaści, a taksama padmanvać i manipulavać.

Heta vielizarny krok napierad i pakazalnik taho, jak mocna źmianiŭsia ŠI ŭ epochu GPT. Heta vialiki vyklik budučamu ŭzajemadziejańniu čałavieka i mašyny, jaki moža prynieści za saboj šyrokamaštabnyja sacyjalnyja i ekanamičnyja nastupstvy dla ŭsiaho čałaviectva», — padkreślivajuć navukoŭcy.

Poŭny tekst daśledavańnia (na anhlijskaj movie) možna pahladzieć pa spasyłcy.

Nahadajem, što test Tjurynha nazvany ŭ honar brytanskaha matematyka i kryptohrafa Ałana Tjurynha, jakomu padčas Druhoj suśvietnaj vajny ŭdałosia ŭzłamać sakretnuju niamieckuju šyfravalnuju mašynu «Enihma» i tym samym adsočvać apieracyi padvodnaha fłotu Hiermanii, što istotna dapamahło sajuźnikam pieramahčy ŭ vajnie.

Tjurynh taksama ličycca adnym z zasnavalnikaŭ teoryi štučnaha intelektu, i jahony test pavinien byŭ vyznačać uzrovień najaŭnaści intelektu ŭ mašyn na asnovie ich zdolnaści padtrymlivać praŭdapadobnuju razmovu z čałaviekam.

Kamientary3

  • Acab
    15.06.2024
    Nia ŭpieršyniu
  • Acab
    15.06.2024
    Test Akabčyka dziela štučnaje intelihiencyi taki - treba pieramahčy na demakratyčnych svabodnych ŭsieahulnych vybarach z matematyčna dakładnym padlikam hałasoŭ.
    Chacia hety test štučnaja intelihiencyja dzie zaŭhodna ŭ śviecie projdzie ź pieršaje sproby.
  • 15.06.2024
    Hety tak zvany " test Ťjurinha " nikoli , z małakom maleńkich navukoŭcaŭ NIKOLI nia usprymaŭsia jak niechšta surjoznaje )) Heta ŭsprymałasia bolš jak žart .

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Usie naviny →
Usie naviny

Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam7

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie3

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie21

bolš čytanych navin
bolš łajkanych navin

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ2

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ

Hałoŭnaje
Usie naviny →