Sport

Pieršy hoł na Jeŭra zabiŭ samy pierśpiektyŭny niemiec — Fłaryjan Virc. «Reał» padumvaje kupić jaho za 150 miljonaŭ jeŭra

U matčy-adkryćci Jeŭra-2024 Hiermanija ŭčyniła razhrom Šatłandyi — kančatkovy lik 5:1. Pieršym u hulni adznačyŭsia vielmi jarki futbalist.

Fłaryjan Virc. Fota: Jean Catuffe / Getty Images

Fłaryjanu Vircu spatrebiłasia ŭsiaho 10 chvilin, kab zabić pieršy hoł u varoty Šatłandyi.

Virc trapiŭ na hety čempijanat u statusie vialikaj nadziei niamieckaj zbornaj. Hałoŭny trenier zbornaj Julijan Nahielsman nazvaŭ Virca i jašče dvuch niamieckich hulcoŭ, Džamała Musijała i Iłkaja Hiundahana, svaimi «tryma čaraŭnikami», a presa kliča Fłaryjana vunderkindam.

Fłaryjan Virc rodam z Pulchajma, 53-tysiačnaha haradka niedaloka ad Kiolna. U siamji budučaj zorki było 10 dziaciej, jon, samy małodšy, źjaviŭsia na śviet 3 maja 2003-ha. Chłopiec pačaŭ hulać u futboł, kali jamu było 4 hady, a pieršym trenieram staŭ jaho baćka — ciapier jon ahient Fłaryjana. 

Virc zhadvaje, što ŭ jaho siamji ŭsie byli apantanyja futbołam: «U nas nie było telebačańnia ŭ haścinaj, tamu my hulali tam u futboł. Kali ja išoŭ u kuchniu pa talerku, adnačasova šturchaŭ pierad saboj miač».

Siastra chłopca, Džulijana, taksama stała prafiesijnaj futbalistkaj i ciapier hraje za bremienski kłub «Vierder». A sam Fłaryjan zachoŭvaje addanaść siamji — pa danych na 2021 hod, chłopiec, jakomu tady było 18 hadoŭ, usio jašče žyŭ z baćkami.

Svaju karjeru chłopiec raspačynaŭ z kłuba ŭ Pulchajmie, a potym trapiŭ u futbolnuju akademiju «Kiolna», dzie hulaŭ da 2020 hoda. U 17 hadoŭ i 15 dzion jon upieršyniu vystupiŭ u Bundeślizie za darosłuju kamandu «Bajera» i na toj čas staŭ samym maładym debiutantam u historyi kłuba. U takim ža junym uzroście Virc trapiŭ u darosłuju zbornuju — kali jon vyjšaŭ za jaje na pole, jamu było 18.

13 sakavika 2022-ha ŭ hulni suprać rodnaha «Kiolna» Fłaryjan atrymaŭ traŭmu, jakaja časam stavić pad pahrozu karjeru ŭ futbole — razryŭ piaredniaj kryžapadobnaj źviazki kalena. Ale ž chłopiec zdoleŭ adnavicca i amal praz hod viarnucca na pole.

21-hadovy paŭabaronca i dahetul vystupaje za «Bajer», jaki ŭpieršyniu vyjhraŭ zołata niamieckaha čempijanatu, ale za Virca ŭžo bjucca ispanskija hrandy — «Reał» i «Barsiełona». Pa apošnich źviestkach, pieramahaje «Reał», i letam 2025 hoda Fłaryjan padpiša kantrakt z karaleŭskim kłubam — suma tranśfieru moža skłaści 150 miljonaŭ jeŭra.

«Naša Niva» — bastyjon biełaruščyny

PADTRYMAĆ

Kamientary

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?16

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija6

Pamior mastak Valeryj Čajka. Jon afarmlaŭ minskaje mietro

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →