Śviet11

ZŠA praciahnuli sankcyi adnosna ŭładaŭ Biełarusi jašče na hod

Prezident Złučanych Štataŭ Džo Bajden 13 červienia padpisaŭ dakumient ab praciahu sankcyjaŭ, uviedzienych suprać Alaksandra Łukašenki i jahonaha atačeńnia jašče Džordžam Bušam-małodšym u 2006 hodzie.

Fota: Walter Bibikov / Getty Images

16 červienia 2006 hoda, paśla falsifikacyi vynikaŭ prezidenckich vybaraŭ u Biełarusi, hvałtoŭnaha razhonu mirnych pratestaŭ i źniavoleńnia adnaho z kandydataŭ na prezidenctva, Złučanyja Štaty ŭviali piersanalnyja sankcyi suprać Alaksandra Łukašenki, jahonaha syna Viktara i jašče vaśmioch biełaruskich čynoŭnikaŭ, nahadvaje Biełsat.

Jašče da taho, u kastryčniku 2004-ha, Złučanyja Štaty pryniali Akt ab demakratyi ŭ Biełarusi, jaki zabaraniŭ roznyja typy niehumanitarnaj finansavaj dapamohi Biełarusi z boku ZŠA, stratehičny ekspart i dziaržaŭnyja inviestycyi ŭ Biełaruś, zakryŭ dostup u Štaty šerahu łukašenkaŭskich čynoŭnikaŭ.

Prezident ZŠA Džordž Buš-małodšy ŭ akcie vystaŭlaŭ režymu Łukašenki šerah patrabavańniaŭ: rasśledavać źniknieńnie apazicyjnych palitykaŭ, vyzvalić palityčnych viaźniaŭ i źniać palityčna matyvavanyja abvinavačańni. U vypadku nievykanańnia suprać aficyjnaha Miensku musili być uviedzienyja sankcyi, što i zrabili ŭ 2006-m.

Z taho času ZŠA nie skasoŭvali sankcyjaŭ adnosna Biełarusi, tolki źmiakčali ci prypyniali, u 2021 hodzie adnavili praz padziei padčas vybaraŭ-2020 i zachop samalota «Ryanair». Sankcyi treba praciahvać štohod, što ciapier i zrabiŭ Džo Bajden.

«Dziejańni i palityka niekatorych čalcoŭ uradu Biełarusi dy inšych asobaŭ, a taksama škodnaja dziejnaść i daŭnija złoŭžyvańni režymu Biełarusi praciahvajuć ujaŭlać niezvyčajnuju i nadzvyčajnuju pahrozu nacyjanalnaj biaśpiecy i vonkavaj palitycy Złučanych Štataŭ», — havorycca ŭ dakumiencie, padpisanym Bajdenam.

Niezadoŭha da hetaha, 8 červienia, ZŠA apublikavali novy Akt ab demakratyi ŭ Biełarusi. A ŭ dzień padpisańnia praciahu sankcyjaŭ ź vizitam u ZŠA znachodziłasia abranaja prezidentka Biełarusi Śviatłana Cichanoŭskaja.

Kamientary1

  • Woodoo Cult
    14.06.2024
    "A ŭ dzień padpisańnia praciahu sankcyjaŭ ź vizitam u ZŠA znachodziłasia"
    hetyja dźvie padziei nijak nie źviazany. U toj dzień šmat chto znachodziŭsia ź vizitam u ZŠA. Pakińcie ŭžo svaje vilhotnyja mary, NN.

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

U Rasii dźvie dziaŭčyny zahinuli padčas kvestu — animatar abliŭ ich hazaj, vypadkova padpaliŭ i ŭciok5

Ilustratarku z Bresta asudzili za danaty pałku Kalinoŭskaha na šeść hadoŭ

Pad Babrujskam na trasie dobra nasypała hradu

U Minsku za pratesty buduć sudzić muža i žonku. U ich troje dziaciej3

«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim3

Ihar Strałkoŭ (Hirkin) budzie pracavać kraŭcom u kałonii1

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii10

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →