Hramadstva11

Za ŭdzieł u maršy piensijanieraŭ u 2020 hodzie sudziać Halinu Łahackuju

U Kastryčnickim sudzie Minska 14 červienia pačaŭsia sudovy praces nad piensijanierkaj Halinaj Łahackaj, jakaja stała viadomaj jašče ŭdziełam u pratesnych akcyjach «darmajedaŭ», piša Radyjo Svaboda.

Pavodle sudovych dakumientaŭ, na jakija spasyłajecca pravaabarončy centr «Viasna», abvinavačańnie 63-hadovaj Halinie Łahackaj vystavili pavodle 342-ha artykuła Kryminalnaha kodeksu Biełarusi («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).

Krynica, jakaja ŭ metach biaśpieki prasiła nie nazyvać jaje imia, raskazała apošnija źviestki pra Halinu Łahackuju.

«Jaje abvinavačvajuć va ŭdziele ŭ maršy piensijanieraŭ 2020 hoda, ale nieviadoma, u jakim dakładna. I jak jana stavicca da abvinavačańnia, nieviadoma. Trymajuć Halinu ŭ žodzinskaj śledčaj turmie № 8. U jaje kamiery niašmat ludziej, usie zabiaśpiečanyja miescami. Listy ad jaje dachodzili, na ŭmovy asabliva nie narakała, nastroj pierad sudom byŭ narmalny», — paviedamiła krynica pra Halinu Łahackuju.

Halinu Łahackuju nieadnarazova zatrymlivali padčas vuličnych akcyjaŭ i karali z nadumanych pryčyn. Tak, 9 maja 2021 hoda Łahackuju zatrymali pobač z płoščaj Pieramohi z partretam baćki-frantavika, paśla čaho prysudzili 20 dzion aryštu za «chulihanstva», nibyta jana «čaplałasia da minakoŭ».

Sama piensijanierka paśla adbyćcia aryštu skazała, što źbirałasia pieradać Łukašenku, jaki prysutničaŭ na ŭskładańni kvietak, list sa skarhaj.

Pieradapošni raz Halinu Łahackuju zatrymali ŭ sakaviku 2022 hodu i znoŭ adpravili na 15 dzion pad aryšt za ŭlotku «Nie — vajnie», jakuju sud paličyŭ «niedazvolenym pikietavańniem».

Padčas taho aryštu milicyjanty zabrali ŭ Haliny Łahackaj mabilny telefon, jaki nie addavali ciaham bolš jak 2 hadoŭ. Na pačatku krasavika 2024 hoda Halinie Łahackaj pazvanili z upraŭleńnia milicyi Kastryčnickaha rajona Minska i prapanavali pryjści da ich pa telefon. Krynica raskazała, jak Halina adreahavała na toje zaprašeńnie ź milicyi.

«Jana ŭžo bajałasia aryštu i tamu vahałasia, padazrajučy, što heta moža być pastkaj, što jaje zavablivajuć. Ale jana śmiełaja žančyna i ŭsio ž advažyłasia, pajšła. I, na žal, jaje aściarohi spraŭdzilisia, damoŭ jana pakul nie viarnułasia. Ale budziem čakać», — skazała pra Halinu Łahackuju krynica.

Sudzić piensijanierku budzie sudździa Volha Łaŭrynovič.

Kamientary1

  • Razvod ad miantoŭ i kdbšnikaŭ
    14.06.2024
    Kdbšnik Sierhiejenka zaklikaje biełarusaŭ, jakija źjechali, viartacca. A potym takija viarnuŭšyjesia prosta źniknuć i nichto nie daviedajecca, kolki hadoŭ turmy im dali.
    Bo ŭnutry krainy nie zastałosia niezaležnych śmi i pravaabaroncaŭ, jakija b mahli pra heta paviedamlać.

    https://m.nashaniva.com/344867

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova20

Stryžak raskazaŭ, jak jaho vierbavali śpiecsłužby25

Izrail nanios udary pa Jemienie «paśla dzieviaci miesiacaŭ bieśpierapynnych napadaŭ»8

Zorka tyktoku Liza Vietrava zakryvaje svoj papularny błoh pra biełaruskuju movu18

«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ63

Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»14

«Jany kruhłasutačna stajać?» Na Niamizie ludzi vystrailisia ŭ ahramieznuju čarhu — voś navošta VIDEA20

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu3

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →