Śviet11

U Ałbanii skandał z-za Jeŭra-2024: deputaty masava pajechali ŭ Hiermaniju na futboł i sarvali pracu parłamienta

Apazicyja nazvała heta hańbaj.

Łahatyp: UEFA

Praca ałbanskaha parłamienta akazałasia paralizavanaja paśla taho, jak bolšaja častka deputataŭ ad kiroŭnaj partyi adpraviłasia ŭ Hiermaniju hladzieć matčy čempijanatu Jeŭropy pa futbole.

Plenarnaje pasiadžeńnie Kuvienda (tak zaviecca ałbanski parłamient), u jaki ŭvachodziać 140 deputataŭ, było pieraniesiena z čaćviarha na sieradu, paśla čaho vialikaja hrupa narodnych vybrańnikaŭ pajechała na futboł padtrymać zbornuju Ałbanii. Mnohija deputaty jeduć u Hiermaniju na asabistych aŭtamabilach, tamu daroha zojmie bolš za sutki, piša AS.

15 červienia ŭ Dortmundzie ałbancy, jakija ŭdzielničajuć u top-turniry tolki druhi raz u historyi, zhulajuć sa zbornaj Italii. Jak čakajecca, na chatnim stadyjonie «Barusii» źbiarucca kala 50 tysiač ałbancaŭ. Siarod ich buduć i mnohija deputaty parłamienta. Bolš za toje, zakanadaŭcy płanujuć zastacca i na astatnija matčy hrupavoha etapu z udziełam zbornaj Ałbanii: 19 červienia kamanda zhulaje z charvatami ŭ Hamburhu, 24 červienia — ź ispancami ŭ Dziusieldorfie.

Pa hetaj pryčynie parłamient Ałbanii nie budzie pracavać 10 dzion, a plenarnaje pasiadžeńnie na nastupnym tydni nie adbudziecca. Heta vyklikała palityčny skandał i abureńni z boku apazicyi. Lidar Demakratyčnaj partyi Haźmient Bardzi źviarnuŭsia pa tłumačeńni da premjera Edzi Ramy. 

«Vy staviciesia da parłamienta, jak da svajho asabistaha kłuba. Vy pavinny rastłumačyć, pa jakoj pryčynie vy ŭ adnabakovym paradku, nie rajačysia z apazicyjaj, pieranieśli pasiadžeńnie z čaćviarha na sieradu. Kali pryčynaj stała pajezdka na Jeŭra, to heta sapraŭdy haniebny ŭčynak», — havorycca ŭ zapycie.

Bolšaść u Kuviendzie ciapier u Sacyjalistyčnaj partyi Edzi Ramy — jana kantraluje 72 miescy z 140.

Čempijanat Jeŭropy pa futbole startuje 14 červienia matčam pamiž Hiermanijaj i Šatłandyjaj. Finał turniru projdzie 14 lipienia.

Kamientary1

  • Acab
    13.06.2024
    Parlamnt heta miesca, dzie zvyčajnaje prava niščycca pazytyviskimi zahadami.
    Kaniešnie lepiej, jak jon nie pracuje

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paniadziełak staŭ samym haračym dniom u historyi nazirańniaŭ

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →