Hramadstva1111

Dyrektara «Kamunarki» aryštavali, ale vyzvalili. Vyhladaje, što jaho ŭratavaŭ status delehata UNS

Pa infarmacyi «Našaj Nivy», Siarhiej Aniuchoŭski niekalki dzion pravioŭ u SIZA, ale ŭ vyniku chutka vyjšaŭ na svabodu. Jamu dapamahli davoli kamičnyja abstaviny.

Dyrektar «Kamunarki» Siarhiej Aniuchoŭski. Fota: bobrlife.by

44-hadovy Siarhiej Aniuchoŭski pracuje dyrektaram minskaj «Kamunarki» z 2021 hoda. Vychadziec z Dubrovienskha rajona, jon rabiŭ karjeru ŭ Viciebskaj vobłaści, a paśla dyrektaravaŭ na «Čyrvonym charčaviku» ŭ Babrujsku. U 2019—2024 byŭ členam Savieta Respubliki. Darečy, baćka Aniuchoŭskaha raniej taksama byŭ sienataram.

«Kamunarka» ŭ vyniku sankcyj apynułasia ŭ składanym stanoviščy — u krainu ciažej jeduć asnoŭnyja kakavavyja inhredyjenty, nieabchodnyja dla vyrabu kandytarki, jość ciažkaści i z praviadzieńniem płaciažoŭ.

«Praz sankcyi i inšyja źjavy, źviazanyja z hłabalnym suśvietnym kryzisam, mnohija bujnyja zamiežnyja hulcy ŭ siehmiencie kandytarskaj vytvorčaści zharnuli svaje pastaŭki ŭ Biełaruś», — žaliŭsia sam Aniuchoŭski. Nakont kryzisu — niapraŭda, nijakaha «suśvietnaha kryzisu» niama ŭ pryrodzie, ale nie pra toje havorka. 

Jak stała viadoma «Našaj Nivie», praź niuansy ŭ apłacie impartnych tavaraŭ u finansavych orhanaŭ Łukašenki ŭźnikli pytańni da dyrektara, i jaho zatrymali. Jak raskazaŭ «Našaj Nivie» rabotnik «Kamunarki», zdaryłasia heta ŭ krasaviku 2024 hoda.

Pa słovach našaj krynicy, Aniuchoŭskaha źmiaščali ŭ śledčy izalatar, ale napiaredadni Usiebiełaruskaha narodnaha schodu, delehatam jakoha jon byŭ pryznačany, vyzvalili. 

Na «Kamunarcy» ŭpeŭnienyja, što Aniuchoŭskaha ŭratavaŭ status delehata UNS. Mienavita hety arhumient puścili ŭ chod prośbity-paručalniki, i kiraŭnictva Śledčaha kamiteta pajšło im nasustrač. Trymać delehata za kratami padčas schodu nie rašylisia. 

Fakt, što Aniuchoŭski dahetul značycca kiraŭnikom hihanta vytvorčaści łasunkaŭ.

Kamientary11

  • Švied
    14.06.2024
    Hołubok poka otletieł ot kletki.
  • daviedka
    14.06.2024
    V Sovietie Riespubliki jeŝio nikohda nie zadierživali stolko korrupcionierov, skolko za odin sozyv pri Kočanovoj.
  • Miaśnikovič
    14.06.2024
    daviedka, eta tietia kak stała zamom priemjera v Sovminie stała ubirať vsiech, kto śmiejałsia s nieje kak so śpiecialista. Prodołžiła potom v Administracii i siejčas prodołžajet. Eto złobnaja profanka. Pustaja hołova vsiehda pritiahivajet kriminał.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →