Kultura11

Fond Kamunikat.org adčyniŭ internet-kniharniu Kamunikat.shop

Ciapier tut možna rabić zamovy na ŭsie knihi, vydadzienyja Fondam, što pracuje ŭ Biełastoku, a taksama — na knihi partniorskich vydavieckich inicyjatyvaŭ, paviedamlajecca na sajcie Fundacyi.

Na sajcie Kamunikat.shop, siarod inšaha, možna zamović manumientalnuju knihu «(Nie)rasstralanyja», usie 12 knih Uładzimira Arłova i novyja knihi Barysa Piatroviča «Ad žyćcia pračnucca… Freski roznych hadoŭ» dy Źmitra Bartosika «Zabić upałminzaha». Taksama možna nabyć knihu Biełaruskaha Histaryčnaha Tavarystva «Biełarusy ŭ Polskim Vojsku (1919 — 1947)» aŭtarstva praf. Jury Hryboŭskaha.

— Heta daskanałaja mahčymaść dla našych knih trapić da bolš šyrokaj aŭdytoryi va ŭsim śviecie — kaža Jarasłaŭ Ivaniuk, dyrektar fundacyi Kamunikat.org. — Dahetul našy knihi pradavalisia ŭ asnoŭnym na roznych knižnych kirmašach z udziełam biełaruskich niezaležnych vydaviectvaŭ, a taksama padčas aŭtarskich sustreč, arhanizavanych Fondam i jaho partniorami. Praŭda, my pradavali taksama našy knihi ŭ Internecie, ale heta było vielmi pa-partyzansku… Ciapier heta budzie bolš prosta, zručna i sučasna.

Varta dadać, što z kanca 2021 hoda fond arhanizavaŭ bolš za sotniu aŭtarskich sustreč. U asnoŭnym u Polščy, ale taksama ŭ Niamieččynie, Italii, Litvie, Łatvii, Estonii i Finlandyi.

Znoŭ źjaviłasia «Mova» Viktara Marcinoviča.

— My ŭžo drukavali hetuju knihu ŭ Biełastoku ŭ 2022 hodzie. Ciapierašniaje vydańnie stała adkazam na častyja pytańni čytačoŭ — dadaje Jarasłaŭ Ivaniuk.

Taksama nieŭzabavie vyjdzie kniha da 100-hodździa Vasila Bykava ź jaho apovieściami «Blindaž» i «Afhaniec». U vydavieckich płanach i kniha žurnalista «Radyjo Svaboda» Aleha Hruździłoviča «Pryhody dziadzi Vici na Vaładarcy». Heta «kniha vieršaŭ dla dziaciej z darosłymi», u jakoj aŭtar tłumačyć «jak heta — być u turmie».

Pierad vakacyjami pavinien vyjści taksama novy detektyŭny raman Źmitra Dziadzienki «Hulni Cyrcej», dziejańnie jakoha adbyvajecca na pačatku 1920-ch hadoŭ u paślarevalucyjnaj Oršy.

— Sioleta «Kamunikat» płanuje vydańnie troch knih biełaruskich kłasikaŭ, ale niachaj heta pakul zastaniecca tajamnicaj — jakich mienavita! — dadaje dyrektar Fundacyi Jarasłaŭ Ivaniuk.

Na sajcie Kamunikat.shop možna zamović nie tolki knihi, vydadzienyja fondam Kamunikat.org. Jość i tyja vydańni, jakija źjavilisia pry padtrymcy Fondu ŭ supracy ź inšymi vydavieckimi inicyjatyvami.

U budučyni tut možna budzie nabyć knihi inšych niezaležnych biełaruskich vydaviectvaŭ.

Fond Kamunikat.org płanuje dasyłać knihi čytačam pa ŭsim śviecie!!!

Kamientary1

  • Vydatna!
    13.06.2024
    Vydatnaja navina!
    Jašče dobra było b raspracavać i vypuskać školnyja padručniki dla dzietak.

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ3

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?16

Łamin Jamal vypadkova pakazaŭ na VIDEA svaich hołych kalehaŭ4

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →