Hramadstva4040

Cichanoŭskaja ŭ ZŠA zaklikała nie apuskać žaleznuju zasłonu ź Biełaruśsiu: «Nie zamykajcie nas u kletku z hetym źvieram»

Lidar demakratyčnych sił Biełarusi Śviatłana Cichanoŭskaja znachodzicca ź vizitam u Vašynhtonie, dzie jana sustrakajecca z pradstaŭnikami amierykanskaj administracyi, hramadzianskaj supolnaści, a taksama prymie ŭdzieł u słuchańniach u Kanhresie ZŠA. U Vašynhtonie Cichanoŭskaja dała intervju Ruskaj słužbie «Hołasu Amieryki».

Śviatłana Cichanoŭskaja i Džejk Salivan, 11 červienia 2024 hoda. Fota raspaŭsiudžanaje Ofisam Cichanoŭskaj

Žurnalisty spytali Cichanoŭskuju pra pucinskuju rytoryku pra mahčymaje adkrytaje supraćstajańnie z NATA. Jakaja tut moža być rola Alaksandra Łukašenki? 

— Ja dumaju, što Łukašenka pry nieabchodnaści padaść terytoryju Biełarusi dla napadaŭ, kali takoje rašeńnie budzie pryniataje. I jon da kanca budzie łajalny Pucinu. I ad hetaha ŭžo jaho nie vyratavać, dy i ci treba ratavać: jon užo tam, usimi rukami i nahami ŭ Rasii, jon pradaje našu krainu, pradaje našu niezaležnaść. 

Tamu čamu my havorym pra toje, što Biełaruś treba vyciahvać z vajny? Bo bieź biełaruskaj terytoryi našmat mocna padoŭžycca hety šlach ad Rasii da krain NATA. Ale tut treba dapamahčy i biełarusam, tut treba dapamahčy ŭkraincam uratavać naš rehijon. I heta adkaznaść nie tolki naša, biełarusaŭ i ŭkraincaŭ — heta adkaznaść usiaho demakratyčnaha śvietu. Tamu treba nie ratavać Łukašenku, a ratavać krainu ad Łukašenki. 

— A kali, jak vy kažacie, Łukašenka sapraŭdy moža skazać «tak» Pucinu i pryniać udzieł u mahčymaj eskałacyi z NATA, jakija nastupstvy heta moža mieć dla krainy i dla tych biełarusaŭ, jakija zjechali i znachodziacca zaraz na Zachadzie?

— Ja dumaju, što heta budzie adnaznačna žaleznaja zasłona. Choć jana ŭžo zaraz pieryjadyčna nakryvaje našu krainu, chacia my hetamu ŭsialak supraćstaim. 

Naš pasył vielmi jasny: adroźnivajcie režym Łukašenki i biełarusaŭ, izalujcie režym, ale dapamahajcie biełarusam padarožničać, dapamahajcie biełarusam nie hublać hetyja kantakty z demakratyčnym śvietam. 

Tamu što zaraz biełarusy bačać — kolkaść vizaŭ źmienšyłasia, zakryvajuć pahranpierachody, tyja biełarusy, chto vyjazdžaje, nie mohuć tam bankaŭskija rachunki adkryć, tam niejkaja dyskryminacyja byvaje pa nacyjanalnaj prykmiecie. I spracoŭvaje tady naratyŭ Łukašenki, jaki prapahanduje, što vas tam nichto nie čakaje, vy kudy sabralisia, ŭ jakuju demakratyju, vy tam nikomu nie patrebny.

Dyk voś, naša zadača i zadača našych sajuźnikaŭ, naadvarot, pakazać biełarusam: voś, našy dźviery adčynienyja, zachodźcie, my vas čakajem, vy nam patrebnyja. Treba izalavać režym i treba dapamahać biełarusam adčuvać, što takoje demakratyja, što takoje svaboda. Nie zamykajcie nas u kletku z hetym źvieram, u nas užo miljony zakładnikaŭ u Biełarusi. 

Pieršy raz za šmat-šmat hadoŭ bolš biełaruskich studentaŭ pajechała vučycca ŭ rasijskija ŭniviersitety, čym u zachodnija. Takoha nikoli nie było. Tamu što zaraz Biełaruś saŭdzielnik u vajnie, značyć, mienš studentaŭ prymajuć, pahroza nacbiaśpieki i ŭsio takoje. Dyk vy zakryvajeciesia ad biełarusaŭ! Naadvarot, pakažycie biełarusam, što jość alternatyva Łukašenku i ruskamu śvietu. Što voś — my tut.

Tak, Łukašenka ŭžo ŭ rukach Rasii, ale nie šturchajcie biełarusaŭ tudy. My i tak užo bačym praces rusifikacyi ŭ našaj krainie — heta takaja paŭzučaja akupacyja, takaja cichaja vajna, cichaja zavajova Biełarusi biez ahałoski. 

Čaho my čakajem ad zachodniaha śvietu? My čakajem paśladoŭnaj palityki. U nastupnym hodzie buduć hetak zvanyja vybary ŭ Biełarusi. Heta budzie pryznačeńnie Łukašenki samim Łukašenkam — heta budzie taki rytuał, ale jon ničoha ahulnaha z vybarami nie maje. I my chočam, kab našyja partniory praciahvali palityku niepryznańnia režymu Łukašenki — i naadvarot, pryznali b subjektnaść biełaruskich demakratyčnych sił. Ja dumaju, što tut ničoha nie źmienicca.

Cichanoŭskaja havoryć, što čakaje ad amierykanskich partnioraŭ Akt ab demakratyi ŭ Biełarusi. 

— Heta takoje stratehičnaje razumieńnie situacyi ŭ Biełarusi i jak ZŠA mohuć dapamahčy. Nam patrebny śpiecpradstaŭnik ad ZŠA. Nam patrebna dapamoha, patrebna dapamoha demakratyčnym siłam, kab supraćstajać prapahandysckaj mašynie i ŭ cełym dapamahčy vyžyć našym inicyjatyvam, arhanizacyjam, palityčnym strukturam. 

Nam treba vyzvalać našych ludziej, mnohija ź jakich znachodziacca ŭ žachlivym stanoviščy pa zdaroŭi. Heta ludzi z rakam, z dyjabietam, z sardečnymi chvarobami. Nam treba vyzvalać ludziej, jakija znachodziacca ŭ režymie incommunicado. Ja bolš za hod ničoha nie viedaju pra svajho muža, naohuł ničoha.

I heta možna zrabić tolki, na maju dumku, praz taki padychod: izalacyja režymu i dapamoha biełarusam. My nie prosim uvieś śviet zmahacca zamiest nas, my prosim dapamahčy nam zmahacca z hetym režymam. 

I voś u nastupnym miesiacy, ja dumaju, što ja pryjedu na samit NATA pa zaprašeńni Stołtenbierha. Heta našyja pieršyja takija kantakty z NATA. I tut, nasamreč, viadoma, treba kazać pra toje, što rasiejskija vajskoŭcy ŭsio jašče znachodziacca ŭ Biełarusi, što ŭ Biełarusi idzie hetaja paŭzučaja akupacyja, jakuju nichto nie bačyć, i treba nam dapamahać ratavać krainu.

Kamientary40

  • Mafkees
    13.06.2024
    Raźjezdiełasia etaja Cichanovskaja sa svaim etim kabinietam nie paniatna kuda i začem i za čej ščot, my že ich tuda nie posyłali. Pajechała navierna pilić hranty ź Viačorkaj ili kakoj-to jerundoj zanimacca i vapšče my jeje nie vybirali. A u Viačorki vapšče čysy za 8 tysiačau eura! Zdrada! Kruhom vrahi i zdradniki!
  • Niejak tak
    13.06.2024
    Ničoha dla Biełarusi, ničoha dla biełarusaŭ, tolki dajcie dajcie dajcie tak zvanym dem siłam to bok mnie i nijakaj kankretyki jak u režymnych
  • Ružovyja akulary
    13.06.2024
    Vyciahnuć režym možna tolki vyciahnuŭšy łukašenku z pad upłyvu rasiei, inšaje heta ružovyja dziciačyja fantazii, nažal zaraz paśla raźmiaščeńnie JAZ heta budzie vielmi ciažka.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →