Hramadstva77

«Z saboj kresły, termasy i ježa». U Baranavičach baćki budučych pieršakłaśnikaŭ sutki stajali ŭ čarzie pad škołaj

U Baranavičach čarhu pad škołaj №19 baćki budučych pieršakłaśnikaŭ pačali zajmać bolš čym za sutki da pačatku pryjomu dakumientaŭ. Hatovyja da praciahłaha čakańnia ludzi prynosili z saboj kresły, termasy i ježu.

Skrynšot videa ŭ tyktoku

Videa z-pad toj samaj škoły źjaviłasia ŭ tyktoku. Błohierka źniała i momant pieraklički: surjoznaja žančyna (vidavočna, taksama mama pieršakłaśnika) čytaje proźviščy sa śpisu, kab pravieryć, ci na miescy ŭsie tyja, chto ŭ jaho zapisaŭsia. «Kali nie adznačyŭsia kožnuju hadzinu, ciabie vykreślivajuć», — napisała aŭtarka videa.

Chtości nie adhuknuŭsia na imia, i amal adrazu ŭźnikła nievialikaja dyskusija, ci varta składać novy śpis:

— Niachaj buduć! Ludzi pryjduć i pabačać, što my ich vykraślili. Tamu što pryjduć i skažuć: «A čamu novy śpis?». Kali raz nie pryjšoŭ — nie vykreślivaj, voś kali dva razy budzie… — raić mužčynski hołas za kadram.

— Nu kali nastupny raz, — pahadžajecca žančyna sa śpisam.

@zakladka.by Kak vy sčitajetie? Eto ok? #obrazovanije #biełaruś #piervyjkłass #škoła #baranoviči ♬ orihinalnyj zvuk - zakladka.by

Bačačy kolkaść achvotnych, niechta ŭ čarzie pačynaje sumniavacca, ci varta zastavacca:

— Dyk 58 čałaviek — heta ž chiba nie roŭna dva kłasy? Jaki sens tady tut stajać, kab mienavita da hetaj (nastaŭnicy. — «NN») trapić? Usiaho ž čatyry nastaŭnicy, — kaža niechta z žančyn.

— Ale ž my ŭ śpisie, — adkazvaje inšaja.

— Dyk u śpisie. Ale ž nie fakt, što trapiš mienavita da hetaj nastaŭnicy.

— A kali ty sydzieš i nie budzieš stajać?

— Tady ciabie pierapišuć apošniaj.

Aŭtarka rolika paznačyła: «Nastupnyja zbory ŭ 23.00. Potym u 00.00 i ŭsiu noč da 8.00. Padkažycie, ci heta narmalna?».

Za 16 hadzin videa ŭ tyktoku pahladzieła bolš za 220 tysiač čałaviek. U kamientaryjach pytajucca, navošta baćki načujuć kala škoły, kali pa prapiscy abaviazany ŭziać usich dziaciej. Błohierka adkazała, što ŭsie ŭ čarzie pa prapiscy adnosiacca da hetaj škoły, ale chočuć, kab ich dzieci trapili da dvuch najlepšych nastaŭnic. Jana taksama napisała, što ŭ inšaj škole ŭ Baranavičach čarhu pačali zajmać ažno za try dni da pačatku pryjomu dakumientaŭ, ale rastłumačyła heta tym, što toj rajon pieranasieleny.

«A chto hetyja ludzi, kab kahości vykreślivać? Hetyja śpisy ŭvohule niezakonnyja», — aburyŭsia adzin z kamientataraŭ. Aŭtarka videa pahadziłasia: «Vy majecie racyju. Baćka sam prydumaŭ čarhu i hetyja praviły, a ŭsie astatnija pa ich hulajuć». Jana pažartavała: «Było adčuvańnie, što ja ŭ čacie vajbiera. Tolki napružańnie horš». Błohierka dadała, što ŭ niejki momant joj padavałasia, što ŭ chutkim časie pačniecca bojka.

Kamientary7

  • Bamža
    13.06.2024
    Džyp,a jak dałžno być? Pa ukrainsku?
  • Mama
    13.06.2024
    Ja kohda syna otdavała v piervyj kłass, u nas administracija jeŝio viesieleje pridumała. Podajoš dokumienty i oni karandašikom pomiečajut, k kakomu učitielu chočieš popasť. A potom "čtoby vaši miečty stali riealnosťju" prosili požiertvovať v fond škoły minimum 100 rublej
  • le.ia
    13.06.2024
    i ŭ nas takoje durnoćcie było - usianočnuju nie stajali, ale dzieści s 3 nočy baćki zajmali čarhu, kab trapić da najlepšaj nastaŭnicy. a najlepšaja, jak kazała małva, heta samaja strohaja. ja dumaju - navošta majmu strohaja? kab płakaŭ? dy i nie amatary my čerhaŭ ad słova zusim. tym bolš takich durnych. kaniečnie ja pahladzieła sajt, fota nastaŭnic, pahladzieła na tuju strohuju, na druhich, da jakich taksama stajali ŭ čarzie, ale mnie spadabałasia inšaja. da jaje my i trapili ŭrešcie biez usiakaj čarhi. prosta pryjšli ŭ aznačany čas.
    što nastaŭnica sapraŭdy apynułasia lepšaja, kaža, naprykład, taki fakt - dzieci ŭžo studenty, to bok raźlecilisia ŭ roznyja baki (dy i tak ža vučylisia potym u roznych kłasach), ale ŭ hetym hodzie sabralisia i zapisali vinšavańnie z nahody jubileja nastaŭnicy pieršaj svajoj

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →