Usiaho patrochu1616

Kolki polskaha ŭ polskaj Pierogarni ŭ Minsku? Pravieryła polka

Acenku dała polka, jakaja prajazdžała z Maskvy ŭ Varšavu. Ci možna pakaštavać tam polskaje piva?

Pieraharnia Pierogarnia
Fota: sacyjalnyja sietki

U handlovym centry «Halilea» ŭ Minsku pracuje kaviarnia «Pierogarnia». U jaho mieniu kłasičnyja dla polskaj kuchni «piarohi» — heta značyć, vareniki, a taksama zapiakanki, supy. Vydańnie Onet.pl pryvodzić uražańni ad naviedańnia hetaj ustanovy polkaj, jakaja stała žyvie ŭ Maskvie.

Pieršaje, na što źviartaje ŭvahu žančyna, heta niapravilnaje ŭspryniaćcie rasiejskamoŭnymi nazvy ŭstanovy. Jak jana tłumačyć, što dla rasiejcaŭ polskaje słova «pierogi» asacyirujecca z «pirahami» — zdobnaj vypiečkaj. Tak pry joj adna z naviedvalnic vielmi ździviłasia, kali nie pabačyła takich.

Polka źviartaje ŭvahu na mieniu ŭstanovy, u jakim siarod supoŭ paznačany «polski chaładnik», žurak i flaki. Vialikaje ździŭleńnie ŭ jaje vyklikała najaŭnaść u mieniu takoha bluda, jak čyčaron, jaki robicca jak sa śvininy, tak i z kurycy. Hetaja strava źjaŭlajecca tradycyjnaj dla Ispanii i krain Łacinskaj Amieryki.

Na pytańnie, čamu ŭ kaviarni, jakaja pazicyjanuje siabie jak polskaja, ispanskaja strava, žančynie patłumačyli, što ŭ mieniu «jość nie tolki stravy polskaj kuchni».

Akramia ispanskaha čyčaronu, jak piša polka, u mieniu prysutničajuć piarohi z načynkaj z kurycy i sušanych pamidoraŭ. Na pytańnie, da kuchni jakoj krainy ich možna adnieści, supracoŭnik kaviarni adkazaŭ, što «heta chiba što sumieś polskaj i italjanskaj».

Žančyna zastałasia zadavolenaja vybaram zapiakanak i asnoŭnych straŭ. Praŭda, jana zaŭvažaje, što zapiakanki «nie vielmi źviazanyja z Polščaj».

Taksama jana adznačaje na nietypovuju dla palaka nazvu «dziarun», jakoj bulbianyja aładki nazyvajuć va Ukrainie.

Pa słovach žančyny, va ŭstanovie, jakaja maje nazvu «Pieraharnia», zapiakanak našmat bolej, čym ułasna piarohaŭ. Na pytańnie, čamu tak, joj patłumačyli, što ŭ naviedvalnikaŭ zapiakanki bolš papularnyja, ale nazva takaja, tamu što «polskaja kuchnia bolš asacyjujecca ź piarohami».

A voś z desiertami ŭ kaviarni zusim słaba. Naviedvalnikam prapanujuć tolki syrniki, jakija kaštujuć 9,90 rubloŭ. Ale jany, jak zaŭvažaje žančyna, nie majuć ničoha ahulnaha z polskimi «sernikami». «Heta bliny z paŭtłustaha tvarahu, jakija papularnyja ŭ Rasii i Biełarusi» — piša polka.

Tut treba patłumačyć, što polski sernik nahadvaje toje, što ŭ Biełarusi chutčej by nazvali čyzkiejkam.

Na vybar naviedvalnikaŭ taksama napoi ŭłasnaha pryhatavańnia. Heta mors i višniovy kampot. Akramia hetaha — hazavanyja napoi i biełaruskaje piva.

Žančyna śćviardžaje, što čuła, jak adzin z naviedvalnikaŭ spytaŭ, ci jość u kaviarni polskaje piva. «Nie, adkul jano ŭ nas moža być», — cytuje jana adkaz supracoŭnika kaviarni.

Paśla aznajamleńnia ź mieniu, žančyna vyrašyła zamović «Polski abied» — set, jaki składajecca z žuraku, miksu roznych piarohaŭ i višniovaha kampotu. Usio heta kaštuje 17 rubloŭ 90 kapiejek. Ale vyśvietliłasia, što žurak užo skončyŭsia. Nie było taksama čyrvonaha baršču, flakaŭ i bihasu.

U vyniku žančyna zamoviła «polski chaładnik», miks roznych piarohaŭ i hrušavy mus (kampot ź višni taksama skončyŭsia).

Žančyna padzialiłasia ŭražańniami ad stravaŭ. Desiertam jana zastałasia niezadavolenaja: «Takoje ŭražańnie, što ŭ kastruli było šmat vady i kavałačak hrušy». A voś chaładnik joj vielmi spadabaŭsia: «U im było šmat kropu, jak u chaładniku, jaki varyŭ moj dzied».

Varanuju bulbu, ź jakoj byŭ padadzieny chaładnik, žančyna acaniła jak «ćvierdavatuju». A voś piarohi «byli nie smačniejšyja za tyja, što padajuć u restaranach, u jakich ja byvała ŭ Polščy, ale vidać, što kuchar staraŭsia».

«Usia piarohi byli pryhatavanyja całkam dobra — i tradycyjnyja (z bulbaj, kapustaj, hrybami) i «ekzatyčnyja». Chaciełasia b, kab u «Pierogarni» było bolš tradycyjnych piarohaŭ i ŭvohule bolš piarohaŭ», — zakančvaje svoj ahlad žančyna.

Kamientary16

  • Nietutejšy
    15.06.2024
    Uzrovień sučNiny uražvaje.
  • Palak
    15.06.2024
    Pipiec, nu jak možna pisać "palačka"? Heta ździekliva i prynižalna. Žančyna polskaj nacyjanalnaści nazyvajecca "polka" i nijak inakš. "Palačka" kažuć tolki kacapy!!!
  • Gorliwy Litwin
    15.06.2024
    Čamu paojačka, što za baojačka? Iznoŭ destruktyŭny ŭpłyŭ treš błohieraŭ na NN

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Usie naviny →
Usie naviny

Zianon Paźniak vydaŭ čarhovuju knihu18

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

Źjaviłasia jašče niekalki FOTA z suda nad Ryka Kryhieram

Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam14

Łukašenka zajaviŭ, što Piatkievič budzie zajmacca «palityčnymi pracesami». I sačyć za jahonymi pamočnikami15

bolš čytanych navin
bolš łajkanych navin

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Hałoŭnaje
Usie naviny →