Ekanomika22

Rasijski inviestar prajhraŭ sud adnosna vypłat pa jeŭrabondach Biełarusi

Arbitražny sud Kiemieraŭskaj vobłaści pryznaŭ prava Biełarusbanka nie aryštoŭvać vypłaty pa dziarždoŭhu Biełarusi pa vyznačeńniach rasijskich sudoŭ. Pra heta piša RBK.

Takim čynam, sud nie zadavoliŭ pazoŭ pryvatnaha inviestara Ihara Prakudzina, uładalnika biełaruskich pazykovych papier.

U studzieni 2024 hoda toj ža sud ličyŭ mahčymym aryšt vypłat pa jeŭrabondach, jakija naležali rasijskamu inviestaru. Apošni damahaŭsia viartańnia 964,3 tys. biełaruskich rubloŭ, układzienych u suvierennyja papiery Biełarusi.

Sudovy praces byŭ pačaty letam 2023 hoda, kali Prakudzin sprabavaŭ spahnać z łondanskaha filijała Sicibanka nie vypłačanyja jamu kupony i pieni pa biełaruskich bondach. Pry hetym ad Biełarusbanka jon patrabavaŭ pieravodu hetych srodkaŭ na svoj rachunak.

Uvosień 2023 hoda rasijski sud admoviŭ Prakudzinu ŭ zadavalnieńni jaho pazovu pa atrymańni naležnaha jamu kuponnaha dachodu pa biełaruskich jeŭraablihacyjach.

Ciapier Kiemieraŭski arbitraž padtrymaŭ pazicyju Ekanamičnaha suda Minska, što niemahčyma aryštoŭvać srodki pa jeŭrabondach u Biełarusbanku pavodle pastanovy rasijskich sudoŭ, bo heta supiarečyć publičnamu pravavomu paradku Biełarusi. Tamu sud nie bačyć u dziejańniach AAT «AAB Biełarusbank» supraćpraŭnych vinavatych pavodzin, nieabchodnych dla pryciahnieńnia jaho da adkaznaści ŭ vyhladzie sudovaha štrafu, havorycca ŭ abhruntavańni rašeńnia Kiemieraŭskaha suda.

Sud nahadaŭ, što pa jeŭrabondach Biełarusi dziejničaje asablivy publičny paradak vypłat, zaćvierdžany ŭradam. Jon praduhledžvaje pieraličeńnie hrošaj inviestaram u biełaruskich rublach na rachunki ŭ Biełarusbanku. Dla rasijskich inviestaraŭ praduhledžany miechanizm atrymańnia hetych srodkaŭ praz Nacyjanalny raźlikovy depazitaryj. Takim sposabam hrošy ciapier možna viarnuć pa papierach vypusku Belarus-2023, nabytych da 6 vieraśnia 2022 hoda.

Akramia taho, rasijski arbitraž pahadziŭsia z tym, što Ekanamičny sud Minska raniej daŭ tłumačeńni ab tym, što «inšyja sudy, u tym liku arbitražnyja sudy Rasijskaj Fiederacyi, nie ŭpaŭnavažanyja razhladać spravy, źviazanyja z vypłatami trymalnikam biełaruskich jeŭraablihacyj, i prymać jakija-niebudź miery pa zabieśpiačeńni vykanańnia». Heta značyć, što inviestary nadalej majuć prava źviartacca sa svaimi pretenzijami tolki ŭ Ekanamičny sud Minska, pa miescy znachodžańnia adkazčyka — Minfina Biełarusi.

Kamientary2

  • Patriot
    12.06.2024
    Šiš vam, rasiejskija inviestory, a nie łukašienkovskije hroši!
  • Symon
    13.06.2024
    Dobraja navina ŭ tym sensie, što vydatna dakazvaje rasiejskim pryvatnym inviestaram toje, što nielha finansavać łukašysckuju dyktaturu. Łohika rašeńnia rasiejskaha sudzilišča ŭ tym, što Kreml razumieje toje, što Łukašenka - machlar dy kidała, jahonyja finansavyja instytuty - niepłaciožazdolnyja napampavanyja taksičnymi aktyvami bankruty, a lubyja pazyki Łukašenki Rasiei - nierealnyja da spahnańnia. Tamu lubyja viartańni rasiejskim inviestaram ŭ biełaruskija dziaržaŭnyja finansavyja instrumienty ŭsio roŭna pryjdziecca viartać Kramlu praz refinansavańnie Łukašenki. Tamu drobnych rasiejcaŭ našmat praściej kinuć, čym stvarać precedent.

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →