Hramadstva99

«Pryjšoŭ pieššu ź Biełarusi». Palaki raskazali svajo bačańnie historyi ź biełarusam, praź jakoha zakryvali pamiežny punkt

Pamiežny kamitet Biełarusi paviedamiŭ, što ŭ Dźmitryja Smaktunoviča niama prablem ź biełaruskim zakanadaŭstvam. A palaki — što jon «pryjšoŭ pieššu z terytoryi Biełarusi».

 Dźmitryj Smaktunovič z pamiežnikami

DPK vypuściŭ paviedamleńnie, što ŭ Dźmitryja Smaktunoviča «adsutničajuć prablemy ź biełaruskim zakanadaŭstvam, i, takim čynam, jon bieśpieraškodna moža viarnucca na terytoryju Respubliki Biełaruś. Raniej hety hramadzianin nieadnarazova pierasiakaŭ biełaruskuju miažu. 

Tam dadali, što «ciapier biełaruski bok akazvaje hramadzianinu nieabchodnuju dapamohu, bo polskija pradstaŭniki ŭłady vypravadzili mužčynu biez srodkaŭ da isnavańnia». 

Za kamientarami nakont situacyi sa Smaktunovičam da pres-sakratara Nadbužanskaha adździeła pamiežnaj słužby Polščy Daryjuša Sienickaha źviarnułasia «Lusterka». 

Toj zaznačyŭ, što ŭ 11:30 ruch u punkcie propusku byŭ adnoŭleny paśla «nievialikaha pierapynku». 

— Pierapynak byŭ vyklikany tym, što hramadzianin Biełarusi, jaki chacieŭ pierasiekčy miažu pieššu, byŭ adpraŭleny nazad, bo ŭ pierachodzie «Tarespal» dazvolena pierasiakać miažu tolki na aŭtamabilach, tam nie prapuskajuć piešachodaŭ, — skazaŭ Sienicki. — Hety čałaviek pryjšoŭ pieššu z terytoryi Biełarusi, jaho raźviarnuli jašče na moście praz Buh, pierad uvachodam na terytoryju pamiežnaha pierachodu. Jon navat nie paśpieŭ dajści da terminałaŭ i byŭ zatrymany na linii dziaržaŭnaj miažy. Užo znachodziačysia na terytoryi Biełarusi, jon vyjšaŭ za aharodžu masta i sprabavaŭ saskočyć u raku. Paśla pieramovaŭ ź biełaruskimi słužbami mužčyna viarnuŭsia na darohu i pajšoŭ na terytoryju Biełarusi. 

— Ale pavodle infarmacyi žonki hetaha biełarusa, jon byŭ departavany z Polščy, admoviŭsia viartacca ŭ Biełaruś i zastaŭsia ŭ niejtralnaj zonie, — udakładniła «Lusterka».

— Nie, hety čałaviek sprabavaŭ pierajści miažu pieššu, jon prybyŭ z terytoryi Biełarusi. Ale byŭ zatrymany pamiežnikami jašče na ŭvachodzie ŭ punkt propusku «Tarespal» i adpraŭleny nazad.

Pavodle infarmacyi vydańnia MOST, biełarusa Dźmitryja Smaktunoviča 11 červienia vypravadzili z Polščy za parušeńnie praviłaŭ znachodžańnia ŭ Jeŭrasajuzie. Mužčyna nočyŭ na moście na miažy. 

Jak śćviardžała jaho žonka Natalla, mužčynu nielha ŭ Biełaruś praz palityčny składnik: pavodle jaje słoŭ, Źmicier aktyŭna kamientavaŭ padziei 2020 hoda ŭ sacsietkach. Da jaho maci prychodzili ludzi, jakija cikavilisia mužčynam. A potym ź im źviazalisia znajomyja «z orhanaŭ» i rekamiendavali pa mahčymaści nie pryjazdžać u Biełaruś, tamu što na jaho jość niejkija materyjały. 

Taksama jana raspaviała, što ŭ krasaviku 2023 hoda Dźmitryja zatrymlivali za pieravozku mihrantaŭ, jakija nielehalna ŭjazdžajuć u Polšču ź biełaruskaha boku. 

Sprabujučy vycisnuć biełarusa na terytoryju RB, polskija pamiežniki spynili ruch na pamiežnym punkcie ŭ Tarespali ŭ abodva baki. Kali mužčyna pierajšoŭ na biełaruski bok, ruch adnaviŭsia. 

Kamientary9

  • baradzied
    12.06.2024
    nu dyk jaho departavali na mašynie, a nazad jon nie moža prajści pieššu - usio łahična, choć i pa-śvinski

  • Acab
    12.06.2024
    -My da jaho pretenzyi nia majem, naadvarot, damo jamu sočyva i piečyva, aformim biezadsotkavuju biesterminovuju pazyku nieakreślenaje vieličyni, supravadzim dźviuma cybatymi ekskursavodakami ź piataha kursu histfaku, a kali spadaru Marnatraŭnasynoviču spadabajecca na radzimie, možam abrać karalom. Nieadnarazova tak rabili! - havorycca ŭ spravazdačy kamitetu
    -Nie, heta anunnak ź Nibiry - ščyra ździviŭsia aficer - chacieŭ zžerci z paŭtuzina karacupaŭ, ale my na paŭhadzinki prypynili ruch Ziamli, kak jon pamyliŭsia kursam i palecieŭ da siabie na dvanaccatuju planetu!
    Karespandentka zahrymieła palcami drukavać spravazdaču, a Akabčyk maleńki zaklikaje daviarać adno i vyklučna aficyjnym krynicam infarmacyi
  • Fu
    12.06.2024
    Aboje raboje, što polskija słužby, što biełaruskija, hatovyja vykanać luby zahad źvierchu. 

Maryja Vasilevič narešcie znajšła pracu. Ź jaje sprabujuć zrabić zamienu Malavanyču3

Maryja Vasilevič narešcie znajšła pracu. Ź jaje sprabujuć zrabić zamienu Malavanyču

Usie naviny →
Usie naviny

Miž tym u Bajdena navat hałava nie tresłasia27

Kamała Charys zajaviła, što bałatujecca na pasadu prezidenta ZŠA 10

Staršynia Viarchoŭnaha suda anansavaŭ čarhovuju chvalu vyzvaleńnia palitviaźniaŭ19

Palicyja Ukrainy pakazała fota mierkavanaha zabojcy Iryny Faryjon7

Rašeńnie źniać svaju kandydaturu Bajden pryniaŭ siońnia. Jano stała niečakanaściu dla jahonaha štaba9

«Nadyšoŭ čas abjadnacca i pieramahčy Trampa». Bajden padtrymaŭ kandydaturu Kamały Charys na vybarach29

«Najhoršy prezident u historyi krainy». Donald Tramp prakamientavaŭ vychad Džo Bajdena z prezidenckaj honki21

Bajden vychodzić z prezidenckaj honki47

Fakielnaje šeście i bajkiery. Jak adśviatkavali ŭ Hudahai1

bolš čytanych navin
bolš łajkanych navin

Maryja Vasilevič narešcie znajšła pracu. Ź jaje sprabujuć zrabić zamienu Malavanyču3

Maryja Vasilevič narešcie znajšła pracu. Ź jaje sprabujuć zrabić zamienu Malavanyču

Hałoŭnaje
Usie naviny →