Śviet88

Što adbyłosia z ekanomikaj Arhienciny za šeść miesiacaŭ pracy novaha prezidenta

U minułym hodzie padčas pieradvybarnaj kampanii ciapierašni prezident Arhienciny Chaŭjer Milej, kab padkreślić svaju rašučaść istotna ŭrezać dziaržaŭnyja vydatki, zjaŭlaŭsia na mitynhach ź bienzapiłoj. Pa skančeńni paŭhoda cikava pahladzieć, jak pracuje jaho šokavaja terapija, piša Bi-bi-si.

Chaŭjer Milej. Fota: AP Photo / Nicolas Aguilera

«Źmianieńni, jakija majuć patrebu ŭ našaj krainie, radykalnyja, — zajaviŭ Milej nieŭzabavie paśla abrańnia. — Tut niama miesca pastupovaści». 

Ciahnuć z pryniaćciem novych mier prezident nie staŭ. Dla pačatku jon devalvavaŭ arhiencinskuju valutu, piesa, na 50%, skaraciŭ dziaržaŭnyja subsidyi na paliva i napałovu pamienšyŭ kolkaść ministerstvaŭ. 

Chutkaje skaračeńnie dziaržaŭnych vydatkaŭ dapamahło Arhientynie nie tolki pazbavicca ad biudžetnaha deficytu — roźnicy pamiž vydatkami i dachodami ŭrada, — jaki składaŭ u śniežni minułaha hoda 2 trłn piesa (prykładna 120 młrd dalaraŭ), ale i pryvieści biudžet da praficytu ŭ pamiery 264,9 młrd piesa ŭ krasaviku hetaha hoda. 

Krasaviku papiaredničali jašče try praficytnyja miesiacy, čaho ŭ historyi krainy nie zdarałasia z 2012 hoda. 

Milej, jaki nazyvaje siabie libiertaryjancam, zrabiŭ skaračeńnie inflacyi svaim hałoŭnym pryjarytetam. U intervju Bi-bi-si letaś jon nazvaŭ jaje «najbolš rehresiŭnym padatkam, ad jakoha ludzi pakutujuć bolš za ŭsio». 

Inflacyja sapraŭdy zapavoliłasia — kali mierkavać pa štomiesiačnych pakazčykach, papularnych u krainach z vysokaj inflacyjaj: u krasaviku štomiesiačnaja inflacyja skaraciłasia da 8, 8%, nie pieravysiŭšy dvuchznačnych ličbaŭ upieršyniu z kastryčnika. 

Adnak u hadavym vyličeńni, jaki ličycca ahulnapryznanym u suśvietnaj ekanomicy, u krasaviku inflacyja skłała 289,4%. Dla paraŭnańnia, u Vialikabrytanii hadavaja inflacyja zaraz źniziłasia da 2,3%.

I choć aficyjnych danych ab roście ekanomiki za pieryjad, jaki prajšoŭ z momantu ŭstupleńnia Mileja na pasadu 10 śniežnia, jašče niama, pa niekatorych danych, u pieršyja try miesiacy hetaha hoda ekanomika Arhienciny rezka skaraciłasia, a spažyvieckija vydatki ŭpali. 

Pra inšyja abiacańni, ź jakimi Milej išoŭ na vybary — naprykład, zamiena piesa na amierykanski dalar i skasavańnie centralnaha banka, — prezident u apošni čas kaža mała. 

Prablema prezidenta Mileja zaklučajecca ŭ tym, što jahonaja kaalicyja La Libertad Avanza («Prasoŭvańnie svabody») nie maje bolšaści ŭ arhiecinskim Kanhresie, i jamu niaprosta pravodzić svaje prajekty ŭ žyćcio. 

Naprykład, Milej nastojvaje, kab Kanhres dazvoliŭ jamu pryvatyzavać bolš za dva dziasiatki dziaržaŭnych kampanij, uklučajučy dziaržaŭnuju avijakampaniju, čyhunku, paštovuju słužbu i nacyjanalnuju słužbu vodazabieśpiačeńnia. 

Pieršapačatkovy zakonaprajekt, jaki źmiaščaje płany pryvatyzacyi i sotni inšych ekanamičnych mier, nie prajšoŭ druhoje čytańnie ŭ lutym. Sproščanaja viersija, paŭtorna pradstaŭlenaja ŭ Kanhres u krasaviku, prajšła nižniuju pałatu, ale Sienat jaje pakul nie ŭchvaliŭ. 

Prezidentu taksama supraćstajać prafsajuzy, jakija rehularna vyvodziać na vulicy tysiačy ludziej. Na ich dumku, pavalnaje derehulavańnie ekanomiki ŭščamić pravy pracoŭnych. 

Chuan Kruz Dyjas, kiraŭnik dyrektar arhiencinskaj kansałtynhavaj kampanii Cefeidas Group, jakaja śpiecyjalizujecca na hieapalityčnych ryzykach, ličyć, što pa stupieni radykalnaści palityka prezidenta Mileja mała adroźnivajecca ad abiacańniaŭ kandydata Mileja — ale krychu spaźniajecca. 

«Jaho administracyja była vymušana zapavolić hetyja reformy, uličvajučy palityčnyja i sacyjalnyja pieraškody, ź jakimi jana sutyknułasia», — kaža Dyjas. 

Pavodle jaho słoŭ, «paharšeńnie pakupnickaj zdolnaści nasielnictva i strach pierad rostam sacyjalnych chvalavańniaŭ» — heta dadatkovyja faktary, jakija prymušajuć prezidenta dziejničać aściarožna. 

Pry hetym kolkaść žycharoŭ Arhienciny, jakija žyvuć u biednaści, chutka raście: u 2017 hodzie ich było prykładna 25% nasielnictva, siońnia — bolš za pałovu.

Kamientary8

  • Karł Iljič Kiejns
    12.06.2024
    Dzie Akabčyk? Chaj patłumačyć nam nierazumnym, što Chaŭjer nasamreč sacyjalist, etatyst i pazašlubny ŭnuk Lenina.
  • Indiejec
    12.06.2024
    Dla pačatku jon devalvavaŭ arhientynskuju valutu, piesa, na 50%
    Dalšie možno nie čitať. Ostałoś tolko sdiełať baks oficialnoj valutoj.
  • Tak
    12.06.2024
    Toj samy Milej, jakoha na NN niekali akreślili ultra-xyz, ale paźniej vypravili.

Jarmošyna raskazała, kaho dapuściać da ŭdziełu ŭ vybarach-202511

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-202511

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →