Hramadstva1414

Stała viadoma, što z žyllom u siamji rektara BDU, jaki prasiŭ trochpakajoŭku za ŭdzieł u represijach

«Kibierpartyzany» ŭ svaim apošnim rasśledavańni raskazali pra sprobu rektara Biełaruskaha dziaržaŭnaha ŭniviersiteta Andreja Karala atrymać ilhotnuju trochpakajovuju kvateru ŭ Minsku. «Lusterka» ŭ suviazi z hetym pry dapamozie abjadnańnia eks-siłavikoŭ Belpol daviedałasia, jakaja nieruchomaść užo jość u rektara, jahonaj žonki i baćkoŭ. Akazałasia, što va ŭłasnaści ŭ ich užo i tak piać kvater — praŭda, nivodnaj u stalicy.

Vid na vulicu Zamkavuju ŭ Hrodnie, dzie raźmieščanaja adna z kvater baćki rektara BDU Andreja Karala. Fota: wikimedia.org 

Pavodle infarmacyi Belpol, pa stanie na 2021 hod sam rektar Biełdziaržuniviersiteta Andrej Karol nie vałodaŭ nijakim žyllom u Biełarusi. Mienavita tamu i staić u čarzie tych, chto maje patrebu ŭ palapšeńni žyllovych umoŭ, i praz heta sprabavaŭ prabić sabie trochpakajoŭku ŭ Minsku.

Adnak u jahonaj žonki Taćciany Prańko jość trochpakajovaja kvatera ŭ Hrodnie pa vulicy Horkaha, 98. U joj try pakoi, ahulnaja płošča žylla — 49,8 kvadratnaha mietra.

Va ŭłasnaść žančyny kvatera pierajšła ŭ vyniku niečaha dareńnia ŭ 1996 hodzie. Kvatery padobnaha mietražu ŭ rajonie vulicy Horkaha ŭ Hrodnie pradajuć koštam ad 43 tysiač dalaraŭ.

U susiednich damach znachodziacca kvatery, jakija naležać baćkam rektara BDU.

Maci Andreja Karala, Łarysa Karol, vałodaje 32-mietrovaj adnapakajoŭkaj pa vulicy Horkaha, 96. Žyllo dastałasia žančynie ŭ spadčynu. Padobnaja kvatera ŭ Hrodnie kaštuje kala 25 tysiač dołaraŭ.

Baćku rektara BDU, Dźmitryju Karalu, naležyć trochpakajoŭka na 59 kvadratnych mietraŭ u domie 75 pa toj ža vulicy Horkaha. Kaštuje padobnaja kvatera ad 35 tysiač dalaraŭ. Praŭda, vałodaje jon joj na paru z Natallaj Karol — vierahodna, svajoj rodnaj siastroj.

Akramia taho, u baćkoŭ Karala jość i inšyja kvatery ŭ Hrodnie. Jahonaj maci naležyć jašče 44-mietrovaja dvuchpakajoŭka pa vulicy Urubleŭskaha, 40. Padstava dla dziaržaŭnaj rehistracyi — daviedka žyllova-budaŭničaha kaapieratyva ad 2016 hoda. Pryblizny košt takoj kvatery — kala 30 tysiač dalaraŭ.

Baćku rektara BDU taksama naležyć 20-mietrovaja adnapakajoŭka ŭ domie sa statusam historyka-kulturnaj kaštoŭnaści pa vulicy Zamkavaj, 15. U hetym rajonie Hrodna ciapier ničoha nie pradajecca, tamu kolki moža kaštavać hetaja nieruchomaść, skazać ciažka.

Kamientary14

  • Čarkaškvarka
    11.06.2024
    Seksotu kdb jaki razvaliu navuku u BDU nie dali šostuju kvateru u Miensku ajaiaj
  • 11.06.2024
    Chapuha
  • Pan Usialan
    12.06.2024
    Faktyczna Karol - biazdomnaja sirata

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →