Śviet77

Makron stvaraje kaalicyju dla adpraŭki vajskovych instruktaraŭ va Ukrainu

Prezident Francyi Emaniuel Makron płanuje stvaryć kaalicyju krain dla adpraŭki zachodnich vajskovych instruktaraŭ va Ukrainu, paviedamiła 9 červienia niamieckaja hazieta Welt am Sonntag sa spasyłkaj na dypłamatyčnyja krynicy ŭ Brusieli, piša Deutsche Welle.

Emanuel Makron (sprava) z prezidentam Ukrainy Uładzimiram Zialenskim. Fota: Yoan Valat, Pool via AP

Pavodle infarmacyi vydańnia, na minułym tydni načalnik Hałoŭnaha štaba Uzbrojenych sił Francyi Ćjery Burkchard nakiravaŭ list va ŭrady ZŠA i šerahu jeŭrapiejskich krain z zaprašeńniem pryniać udzieł u navučalnaj misii va Ukrainie ŭ ramkach šmatnacyjanalnaj «kaalicyi achvotnych».

Takuju prapanovu, piša Welt am Sonntag, atrymali ŭ tym liku Vialikabrytanija, Polšča, Niderłandy, krainy Bałtyi, Danija i Šviecyja. Pry hetym Paryž praihnaravaŭ fiederalny ŭrad Hiermanii — u Bierlin zaprašeńnie tak i nie pastupiła.

Niamieckija ŭłady za apošnija tydni nieadnarazova davali zrazumieć, što niamieckija vajskoŭcy nie buduć brać udzieł u vučebnaj misii dla padrychtoŭki ŭkrainskich žaŭnieraŭ. Pra admovu ad udziełu zahadzia papiaredzili i ŭ Biełym domie, ale zaprašeńnie ŭ Vašynhton usio ž taki adpravili, adznačaje Welt am Sonntag.

Jak piša vydańnie sa spasyłkaj na dypłamataŭ u Brusieli, Makron płanuje realizavać inicyjatyvu pad ehidaj užo najaŭnaj vučebnaj misii ES va Ukrainie (EUMAM). Dla hetaha spatrebicca źmianić mandat misii, adnak, jak pakazvaje Welt, takoje całkam mahčyma: hetym letam misija ŭsio adno budzie pierahledžanaja, a ŭ listapadzie jaje pryjdziecca praciahvać.

U toj ža čas u Brusieli isnuje supraciŭ idejam Paryža, adznačajuć dypłamaty: pavodle ich źviestak, bolšaść krain ES byli b suprać udziełu ŭ misii na terytoryi Ukrainy.

Tak, urady Hiermanii, Italii i Ispanii aścierahajucca, što navučańnie ŭkrainskich vajskoŭcaŭ na terytoryi krainy, dzie viaducca bajavyja dziejańni, mahło b stvaryć značnuju ryzyku eskałacyi i ŭciahnuć zachodnija krainy ŭ vajnu RF suprać Ukrainy.

U svaju čarhu Vienhryja, jakaja nieadnarazova zatrymlivała dapamohu ES Ukrainie i vystupała suprać sankcyj u dačynieńni da Rasii, na sustrečy ministraŭ abarony Jeŭrasajuza ŭ kancy traŭnia zajaviła, što va Ukrainy bolš «niama realnych šancaŭ» na pieramohu ŭ vajnie.

Adnak, pa infarmacyi Welt am Sonntag, u dypłamatyčnych kołach ES taksama raspaŭsiudžanaje mierkavańnie, što z vajskovaha punktu hledžańnia jość važkija pryčyny navučać ŭkrainskich sałdat na ich terytoryi. Tady treniroŭki buduć bolš adaptavanyja da patrebaŭ USU, i vajskoŭcam nie pryjdziecca pakidać svaju krainu dla navučańnia.

Kamientary7

  • Vasil
    09.06.2024
    Jaki cyrk...
  • Prykmieta
    09.06.2024
    Kali ŭ vatanoŭ padharaje, značyć usio robicca pravilna
  • Rymski salut
    09.06.2024
    Ukraincy sami hetych instruktaraŭ mohuć šmat čamu navučyć. Absalutna biezsensoŭnaja inicyjatyva...

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Usie naviny →
Usie naviny

Kijeŭ atakavaŭ niejki tajamničy dron-kamikadze. Što za jon?1

Byłaja biełaruskaja spartsmienka ŭžo druhi raz za žyćcio pamianiała spartyŭnaje hramadzianstva9

Były palitviazień spaliŭ svoj biełaruski pašpart VIDEA22

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

bolš čytanych navin
bolš łajkanych navin

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu

Hałoŭnaje
Usie naviny →