Biełaruś voźmie ŭdzieł u konkursie «Interbačańnie», jaki arhanizujuć u Rasii ŭ jakaści svajho adkazu «Jeŭrabačańniu». Pra heta zajaviŭ śpiecpradstaŭnik Uładzimira Pucina pa mižnarodnym kulturnym supracoŭnictvie Michaił Švydkoj. Pavodle jaho słoŭ, zajaŭki pastupajuć z mnohich krain, piša «RIA Novosti».
«Heta i Łacinskaja Amieryka, i Centralnaja Azija, i krainy SND, i, nakolki mnie viadoma, niejkija navat asobnyja jeŭrapiejskija dziaržavy vykazvajuć cikavaść, paćvierdzili ŭdzieł i KNR, i Biełaruś, i Azierbajdžan, i Kazachstan, i Kuba, i Brazilija», — adznačyŭ Švydkoj.
Konkurs pavinien prajści ŭ kancy 2024-ha ci ŭ pačatku 2025 hoda.
Raniej kiraŭnik «Pieršaha kanała» Kanstancin Ernst prapanoŭvaŭ zrabić konkurs štohadovym.
Nahadajem, Biełaruś i Rasija adchilenyja ad udziełu ŭ štohadovym konkursie «Jeŭrabačańnie».
Aryhinalnaje «Interbačańnie» pravodziłasia ŭ 70-ja-80-ja hady minułaha stahodździa pad ehidaj savieckaha i polskaha telebačańnia.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj3
Kamientary
I, darečy, były ministar, intelihientny taki, skokaŭ i śpievaŭ jak prydaŭsia, ha?! Byłyja i dziejsnyja ministry skokaŭ i śpievaŭ, jany prydatnyja da ŭsiaho. Zrešty, dziaržsektar ŭvieś prydatny da ŭsiaho