Kachańnie i seks33

Piać praktykavańniaŭ dla palapšeńnia seksualnaha žyćcia

Daŭno viadoma, što fizičnyja nahruzki i seksualnaja aktyŭnaść iduć pobač. Śpiecyjalisty rekamiendujuć praktykavańni, jakija dapamohuć pavysić libida, seksualnuju aktyŭnaść i tryvałaść.

Fota: Vecteezy.com

Śpiecyjalisty zaŭvažajuć, što praktyčna lubaja fizičnaja nahruzka palapšaje samaadčuvańnie i seks, ale jość niekalki kankretnych praktykavańniaŭ, jakija asabliva karysnyja dla seksualnaj funkcyi i zadavalnieńnia. Ź imi znajomić vydańnie The New York Times.

Treniroŭki kardyja palapšajuć seks

Sardečna-sasudzistaja sistema naŭprost upłyvaje na seksualnaje zdaroŭje, ad prytoku kryvi ž zaležyć miechanizm erekcyi i vahinalnaja zmazka. Aerobnyja praktykavańni dapamohuć ich pryvieści ŭ normu, a taksama paźbiehnuć pierahruzak sardečna-sasudzistaj sistemy.

Kali vy da hetaha nie zajmalisia takimi praktykavańniami, to pačnicie z chutkaj chadźby ci biehu truškom. Zatym da ich dadajcie intervały vysokaintensiŭnych nahruzak. Heta moža być pierachod na bieh, chutki padjom pa leśvicy. Pavysić vynoślivaść i paskoryć cyrkulacyju kryvi ŭ arhaniźmie taksama dapamohuć jazda na viełasipiedzie ci płavańnie.

Praktykavańnie Kiehielsa

Hetaje praktykavańnie dapamoža ŭmacavać myšcy tazavaha dna, jakija padtrymlivajuć unutranyja pałavyja orhany, mačavy puzyr i pramuju kišku. Jano taksama pryviadzie ŭ tonus myšcy vakoł vahiny ŭ žančyn, a mužčynam dapamoža kiravać svaimi myšcami, što ŭ vyniku dazvalaje rabić arhazm bolš mocnym.

Kab navučycca pravilna vykonvać praktykavańnie Kiehielsa, patrenirujciesia pieraryvać na niekalki siekund patok mačy pry naviedańni prybiralni. Dyk voś, praktykavańnie — anałahičnaje. Hałoŭnaje — paśla kožnaha skaračeńnia myšcaŭ poŭnaściu ich rassłabić.

Žančynam rekamiendujecca ŭjaŭlać, jak lift pavolna padymajecca ŭvierch, a zatym pavolna spuskajecca. Mužčynam — na try siekundy napružyć myšcy tazavaha dna, a zatym na try siekundy rassłabić. Paŭtarać možna stolki, kolki zmožacie.

Treniroŭka ściohnaŭ dobraja i dla pałavych orhanaŭ 

Siadziačy ład žyćcia pryvodzić da pieranapružańnia myšcaŭ ściohnaŭ i źviazak, u vyniku čaho padčas zaniatkaŭ seksam mohuć uźnikać boli ŭ śpinie i tazie.

Pierad vykanańniem takich praktykavańniaŭ rekamiendujecca rassłabić asobnyja vobłaści z dapamohaj masažu tenisnym miačykam. Jaho možna vykonvać jak siedziačy na padłozie tak i stojačy kala ściany. Miačyk pryciskajecca da jahadzic i zatym pieramiaščajecca na biodry i padkalennyja suchažylli. Masaž pravodzicca da toj pary, pakul nie adčujecca rassłableńnie myšcaŭ.

Fota: vecteezy.com

Raściahvańniu ściohnaŭ, jahadzic, myšcaŭ śpiny i padkalennych suchažyllaŭ dapamohuć lubyja praktykavańni, jakija nabližajuć vašyja hrudzi da kaleniaŭ. Heta mohuć być raściažki «čaćviorka» i 90/90, poza dziciaci.

Mabilizavać i ŭmacavać ściohny dapamohuć hłybokija prysiadańni i mościk. Kali vy chočacie pavysić intensiŭnaść, to možna prysiadać z abciažarvańniem, vykonvać adciskańni nahami i machi hirami.

Umacavańnie korpusa spryjaje seksualnaj ciahavitaści

Jak dla nižniaj častki cieła, jość praktykavańni dla korpusa — ruk, pleč, śpiny i hrudzi. Umacavańnie korpusa dapamoža pamienšyć boli ŭ śpinie i ściohnach, pavysić ciahavitaść padčas seksu i dadaść adčuvańnia siły i mocy.

Fota: Getty Images

Asnoŭnym praktykavańniem dla ŭmacavańnia korpusa źjaŭlajecca płanka. Pačać možna ź jaje ŭtrymańnia na praciahu 5—10 siekund, pastupova pavialičvajučy praciahłaść.

Treniroŭcy muskułaŭ hrudziej, ruk i pleč vydatna dapamahajuć adciskańni.

Joha palapšaje seks

Raźvić hnutkaść, pavysić ruchavaść ściohnaŭ i ŭmacavać korpus, dadać raznastajnaści seksu i maksimizavać zadavalnieńnie dapamahajuć zaniatki johaj. Najbolš padychodziać tyja pozy, jakija razhaniajuć kroŭ u vobłaści taza.

Kali vy nie hatovyja vykonvać pozy johi, to karysnymi buduć praktykavańni na hłybokaje dyjafrahmalnaje dychańnie, jakoje dapamahaje rassłabicca jak niervovaj sistemie, tak i tazavamu dnu.

Kamientary3

  • Valentin
    09.06.2024
    [Red. vydalena]
  • siekas
    09.06.2024
    Hradki pałoć, śviniej karmić, kasić siena karovie -- heta palapšaje?
  • Prohrammist
    09.06.2024
    Kak mnie vrač skazał, ot sidiačiej raboty voźnikajet zastoj krovi v tazie i ot etoho prostatit, śnižienije potiencii. Poetomu samoje zdorovok dla ofisnych rabotnikov - upražnienija každyj čas, naprimier, prisiedanija.

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →