95-hadovaja niemka Ursuła Haferbek nastojvaje, što Aŭšvic byŭ «pracoŭnym łahieram», a nie łahieram dla masavaha źniščeńnia ludziej. Jana admaŭlaje fakt masavaha zabojstva nacyjanał-sacyjalistami habrejaŭ u Jeŭropie padčas Druhoj suśvietnaj vajny.
7 červienia Haferbek paŭstała pierad ziamielnym sudom Hamburhu z abvinavačvańniem u raspalvańni mižnacyjanalnaj nianaviści, piša DW.
12 listapada 2015 hoda Haferbek prysudzili dziesiać miesiacaŭ turemnaha źniavoleńnia biez prava na ŭmoŭna-daterminovaje vyzvaleńnie. Žančyna padała apielacyju na prysud. I voś amal praź dzieviać hadoŭ hetaja sprava znoŭ razhladajecca ŭ sudzie.
Ciapierašniaja sprava tyčycca zajaŭ, zroblenych Haferbek u krasaviku 2015 hodu ŭ časie pracesu suprać esesaŭca Oskara Hreninha ŭ sudzie horadu Luneburhu, a taksama ŭ televizijnym intervju. Hreninh zahadvaŭ ź vieraśnia 1942 hoda pa kastryčnik 1944 hodu ŭ kancłahiery Aŭšvic hrašyma i kaštoŭnymi rečami źniavolenych.
U lipieni 2015 hoda sud Luneburhu pryhavaryŭ jaho da čatyroch hadoŭ pazbaŭleńnia voli za dapamohu ŭ zabojstvie nie mienš jak 300 tysiač čałaviek. U sakaviku 2018 hodu, adnak, mužčyna pamior u špitali, nie pravioŭšy nivodnaha dnia ŭ turmie.
Pavodle prakuratury, 21 krasavika 2015 hoda Ursuła Haferbek zajaviła ŭ suviazi z hetym pracesam, što Aŭšvic byŭ nie «łahieram źniščeńnia», a «pracoŭnym łahieram». U intervju dla telekanała NDR jana taksama śćviardžała, što tam nie było masavaha źniščeńnia ludziej.
Jak ličać historyki, tolki ŭ kancentracyjnym łahiery Aŭšvic-Birkienaŭ byli zabityja 1,1 młn čałaviek.
Ułady Respubliki Sierbskaj chočuć pierajmienavać Srebranicu, kab paźbiehnuć napaminu pra hienacyd
«Jak byccam bombu ŭ škole znajšli». Byłaja biblijatekarka raskazała, jak školnyja biblijateki čyściać ad «niapravilnych» knih
Va ŭsich rehijonach Biełarusi ŭstalujuć manumient achviaram hienacydu. Na eskizie nie abyšłosia biez pamyłak FOTA
«Lacieli vielmi nizka». Łukašenka pryznaŭ pralot dronaŭ nad Biełaruśsiu4
Kamientary
I takich ludziej, jakija vierać zakony, choć toj i supiarečyć rečaisnaści - bolšaść.
Tut, ŭ bastyjonnych kamentarach natoŭpy tych, chto ŭčynki biaz škody i paciarpiełych zavuć złačynstvami, bo tyja pryznačanyja ŭ zakonach złačynstvami. I naadvarot, złačynstvy z boku słužbovych asobaŭ da nieahresyŭnych ludziej nie ličać złačynstvami, bo jany "zakonnyja"