Hramadstva4444

Jak Łukašenka čarhovy raz drobna adpomściŭ Bykavu

I jak u Biełarusi prachodzić jubilejny hod narodnaha piśmieńnika.

Łukašenka pavinšavaŭ praŭładny Sajuz piśmieńnikaŭ z 90-hodździem. I tut, jak kažuć, jość niuans. I navat nie adzin, piša «Salidarnaść». 

— Pieryjad Vialikaj Ajčynnaj vajny adbiŭsia ŭ rabotach piśmieńnikaŭ, jakija sami hieraična abaraniali Radzimu. Na ścianie rejchstaha pakinuli svaje aŭtohrafy paety Piatro Prychodźka i Paŭluk Pranuza, — havorycca ŭ vinšavańni.

Na hetym zhadki biełaruskich litarataraŭ, jakija pisali pra tuju vajnu, skončylisia. Niama ŭ śviatočnym tekście ni słova pra Vasila Bykava, 100-hadovy jubilej jakoha sioleta adznačajecca ŭ Biełarusi i za jaje miežami.

Taki ihnor nie dzivić, bo Łukašenka ź pieršych dzion znachodžańnia va ŭładzie pomściŭ Bykavu za jahonuju hramadzianskuju pazicyju i publičnyja vystupy.

Frantaviku, narodnamu piśmieńniku daviałosia źjechać z ułasnaj krainy, atrymać prystanišča ŭ Niamieččynie, ź jakoj jon niekali vajavaŭ u časie toj kryvavaj vajnie.

A kali biełarusy raźvitvalisia z Bykavym u červieni 2003-ha, Łukašenka źjechaŭ sa stalicy z «raptoŭnaj» inśpiekcyjaj u rehijony.

Sioletni jubilej narodnaha piśmieńnika Biełarusi, čyjo imia viedajuć pa ŭsim śviecie, na jahonaj radzimie prachodzić amal niezaŭvažna. Niekalki vystavaŭ, adna ź jakich začyniłasia raniej času, asobny vypusk časopisa i badaj usio.

Pry hetym dziaržaŭnaje ahienctva BiełTa nie pasaromiełasia paviedamić, što z nahody 100-hadovaha jubileja piśmieńnikaŭ-frantavikoŭ Uładzimira Bahamołava, Juryja Bondarava, Vasila Bykava i Barysa Vasiljeva Asacyjacyja sajuzaŭ piśmieńnikaŭ i vydaŭcoŭ Rasii abvieściła 2024-y Hodam lejtenanckaj prozy.

Niechta moža zaŭvažyć, što Łukašenka adrasavaŭ svajo vinšavańnie Sajuzu pad kiraŭnictvam Alesia Karlukieviča. Maŭlaŭ, pry čym tut Vasil Bykaŭ. I heta druhi niuans.

Dva piśmieńnickija sajuzy źjavilisia ŭ Biełarusi ŭ 2005-m u vyniku inśpiravanaha ŭładami raskołu, kali piśmieńnika nie było ŭ žyvych. Jon mieŭ niepasrednaje dačynieńnie da Sajuza, stvoranaha ŭ 1934-m. I ciažka pavieryć u toje, što jahonaje imia ŭ taki hod nie zhadali ŭ vinšavańni vypadkova.

@nashaniva Siońnia Vasilu Bykavu spoŭniłasia b 100 hadoŭ. Cikavaja historyja ź jaho žyćcia #vasilbykaŭ #biełaruś #našaniva #biełaruskajamova #biełaruskityktok #žyviebiełaruś #biełorusy ♬ Biełaruś - Biez Bileta

Kamientary44

  • Acab
    09.06.2024
    Sajuz piśmieńnikaŭ antynaturalny, jak i luboje abjadnańnie pamiž saboj kankurentaŭ. Heta stvorany dziaržavaj kartel, jaki instytuyjna zmahajecca z kankurentami.
    Ŭźniknieńnie druhoha kartelu ŭ 2005 hodzie - baraćba za instytucyjnyja (dziaržaŭnyja pryvilei) pamiž dvuma kartelami.
    Hetyja abjadnańni antyčytackija. Paśpiachovamu piśmieńniku nia treba sajuz z kankurentami-piśmieńnikami, a treba pryznańnie čytača.

    Varta zaznačyć, adnak, čto dziaržava moža zmušać dziela kantrola lajalnaści da ŭvachodu tvorcaŭ ŭ kartelnyja abjadnańni (piśmieńnikaŭ ŭ sajuz piśmieńnikaŭ ŭ našym vypadku), a da partačoŭ (tvorcaŭ pa-za kartelam) stasavać restrykcyi
    Vo jak
  • Acab
    09.06.2024
    Što tam sacyjalisty z salidarnaści chočuć? Połpot, mao i stalin nie vitajuć našych herojaŭ? Jakoje licha!!! Voch-voch-voch!
    Nu chočacca źlicca sa stalinskaj premijaj, jak klasykam biellitu svaho času. Nu jak vam dapamahčy, salidarnieńkija
  • Miromirovo
    09.06.2024
    Miertvym nie bolno. A živym miertvym vsie ravno.

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

Rabotnicy suda pahražaje da 12 hadoŭ za «zakliki da sankcyj i abrazu Łukašenki»3

Rabotnicy suda pahražaje da 12 hadoŭ za «zakliki da sankcyj i abrazu Łukašenki»

Hałoŭnaje
Usie naviny →