Da 30 tysiač jeŭra. Što ŭmiejuć i kolki zarablajuć eskortnicy na Picierskim mižnarodnym ekanamičnym forumie
Pra toje, kolki atrymlivajuć za supravadžeńnie haściej i jak prachodzić adbor dziaŭčynak na forum, «Fantanka» pahutaryła z eskortnicaj sa stažam, jakaja nie pieršy hod pracuje na forumie i dakładna viedaje, jak uładkavany biznes.
Dziaŭčyna kaža, što žadajučych zamović sabie pryhožuju dziaŭčynu ŭ supravadžeńnie vielmi šmat.
— Dziaŭčaty ŭ prafiesii doŭha nie zatrymlivajucca. Jak praviła, prychodziać, kab chutka zarabić hrošy i zakryć niejkija svaje žadańni i patrebnaści. Nu i dla takich značnych mierapryjemstvaŭ, dzie šmat niuansaŭ, da vybaru vykanaŭcaŭ padychodziać skrupulozna. Dosyć składana prajści adbor i adpaviadać usim kryteram, — havoryć jana.
Jana kaža, što časam dziaŭčaty nie tolki supravadžajuć haściej paśla dziełavoj prahramy — ich biaruć i na sam forum.
— Kali klijent choča, to jon vypisvaje propusk dla supravadžeńnia, ale treba razumieć, što za hetym stajać peŭnyja ryzyki.
Važnyja piersony z Balivii ci Zimbabve dziaŭčatam propuski robiać. I heta pry tym, što ź imi ŭ delehacyi zaŭsiody jość pradstaŭnicy ich etnasu. Ale na takich forumach i biznes-mitynhach jany ličać za lepšaje zjaŭlacca z damami-słaviankami. Heta taki, užo adpracavany padychod da biznesu — demanstracyja taho, što čalec delehacyi «abrusieŭ», vielmi spryjalna adbivajecca na budučych sustrečach.
Chacia na forum pryjazdžajuć dziaŭčaty z usich rehijonaŭ, u asnoŭnym, tam pracujuć dziaŭčaty z ahienctvaŭ.
— Čaściej za ŭsio klijenty addajuć pieravahu pravieranym i nadziejnym ahienctvam, jakija zabiaśpiečać poŭnuju kanfidencyjalnaść i stopracentnaje vykanańnie ich zapytaŭ. A heta dziaŭčaty, jakija praciahły čas pracujuć pa kantraktach i majuć peŭny vopyt.
Na pytańnie, kolki kaštuje elitnaje supravadžeńnie za sutki, dziaŭčyna adkazała, što nabiahaje da 30 tysiač jeŭra.
— Usio vielmi zaležyć ad zapytu i ad kvalifikacyi vykanaŭcy, kali heta možna tak nazvać. Byvaje, za tydzień cana moža dachodzić da dvuch z pałovaj, troch miljonaŭ [rasijskich rubloŭ].
Što ŭvachodzić u śpiektr pasłuh, što pavinna ŭmieć dziaŭčyna, kab być zapatrabavanaj?
— My zaŭsiody abapirajemsia na zapyt klijenta.
Bazavy minimum — smoł-tok, maniery i viedańnie etykietu. Zamiežnyja movy i ŭmieńnie padtrymać hutarku ab palitycy i ekanomicy vitajucca, ale znoŭ ža heta zaležyć ad zapytu klijenta. Byvaje, što vybirajuć damu z muzyčnaj adukacyjaj ci z navykami ihry na muzyčnych instrumientach, tamu što časta klijent prapanuje praciahnuć viečar u bolš adasoblenaj abstanoŭcy — u siabie doma abo ŭ haściničnym numary. I ŭ pieravažnaj bolšaści vypadkaŭ tam jość muzyčny instrumient. Klijent paśla ciažkaha pracoŭnaha dnia choča rassłabicca, tak što heta pryjemny bonus.
Pavodle słoŭ dziaŭčyny, jość niekatoryja klijenty, jakija vybirajuć adnu dziaŭčynu i pravodziać ź joj uvieś tydzień.
— U nas heta nazyvajecca «tata i dačka». Heta častaja praktyka siarod pažyłych jeŭrapiejcaŭ. Maładyja chłopcy zvyčajna čarhujuć. I prajekty, i stendy, i dziaŭčynak.
Jana kaža, što eskortnicy pradstaŭlajucca na forumie dočkami abo partniorkami.
— Inakš uźnikajuć pytańni: maładaja, pryhožaja i z čałaviekam stałaha vieku. Ja ŭ takich vypadkach nazyvajusia dačkoj. Nu i jość peŭnyja zapyty ad klijenta, kab nie razburyć hety kancept: apranucca niakidka, pavodzić siabie strymana i nie prajaŭlać da jaho asablivych znakaŭ uvahi.
Pavodle surazmoŭcy, u dziaŭčat jość achova, ale pra samu sistemu biaśpieki havaryć admoviłasia — heta kanfidencyjna.
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?4
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary