Navuka i technałohii44

Vučonyja stvaryli dla ludziej rabatyzavany šosty palec

Čym jon moža dapamahčy?

"Treci vialiki palec" the Third Thumb "trietij bolšoj palec"
Fota: sajt Kiembrydžskaha ŭniviersiteta

Jak paviedamlajecca na sajcie Kiembrydžskaha ŭniviersiteta, jahonyja vučonyja raspracavali «treci vialiki palec». Jon macujecca na kiści ruki i źjaŭlajecca pa sutnaści šostym palcam. Raspracoŭščyki pravieryli jaho funkcyjanalnaść na dobraachvotnikach. Pra vyniki jany paviedamili ŭ časopisie Science Robotics.

U vyprabavańniach uziali ŭdzieł 596 čałaviek va ŭzroście ad 3 da 96 hadoŭ. Ź ich u 98% atrymałasia paśpiachova karystacca «trecim vialikim palcam». Jak zaŭvažajuć brytanskija vučonyja, u dziaciej da 11 hadoŭ spravicca z zadačaj atrymlivałasia horš za inšych.

«Treci vialiki palec» nosicca na baku ruki, dzie znachodzicca miezieniec, i kantralujecca datčykami cisku, jakija znachodziacca pad vialikimi palcami nahi. Kali karystalnik naciskaje na datčyk, «robapalec» ciahniecca ŭvierch. Stupień ruchu praparcyjanalnaja prykładzienamu cisku. Pasłableńnie cisku viartaje pryładu ŭ zychodnaje stanovišča.

Vučonyja adznačajuć, što vykarystańnie raznastajnych pieranosnych mataryzavanych pryładaŭ, takich jak ekzaškilety albo dadatkovyja rabatyzavanyja častki cieła, — novaja śfiera budučych technałohij. Jany dazvolać vyvieści ruchalnyja zdolnaści ludziej za miežy bijałahičnych abmiežavańniaŭ.

U toj ža čas «treci vialiki palec» moža być asabliva kaštoŭnym dla ludziej, jakija stracili ruku i ź ciažkaściu spraŭlajucca z paŭsiadzionnymi zadačami. Aŭtary padkreślivajuć važnaść raspracoŭki pryład, jakija byli b adnačasova funkcyjanalnymi i prostymi ŭ vykarystańni.

«Technałohii mianiajuć samo naša vyznačeńnie taho, što značyć być čałaviekam», — napisali jany ŭ svaim artykule. «Mašyny ŭsio čaściej robiacca častkaj našaha paŭsiadzionnaha žyćcia i navat našaha rozumu i cieła».

Kamientary4

  • 4 siarednich...
    06.06.2024
    a niekatoryja pa 2. pahuhlicie
  • voch užo hetyja brytanskija vučonyja
    06.06.2024
    u dziaciej da 11 hadoŭ spravicca z zadačaj atrymlivałasia horš za inšych

    dyk a navošta takoje dzieciam (i zdarovym darosłym)? chiba tolki, jak zabaŭka. dzieciam treba miełkuju matoryku ŭłastnych palcaŭ raźvivać
  • cikavy fakt
    06.06.2024
    sa staražytnych časoŭ miezieniec ličycca bieskarysnym palcam.
    ale..
    "Dakazana, što bieź miezienca vy stracicie kala 50% siły vašaj ruki. U toj čas jak ukazalny i siaredni palcy funkcyjanujuć ź vialikim palcam u zaščamleńni i zachopie, miezieniec abjadnoŭvajecca ź bieznazoŭnym palcam, kab zabiaśpiečyć siłu zachopu."

    ja heta adčuła na sabie. nie - miezieniec fizična nie straciła, ale jon častkova straciŭ svaju funkcyjanalnaść. i toje, što ruka straciła siłu (nie mahła zrabić elemientarnaje - trymać talerku, zašpilić małanku.. i šmat-šmat, što inšaje), mocna ździviła - bo heta ž "usiaho" miezieniec. pakul nie daviedałasia hety cikavy fakt. miezieniec niby skazaŭ - e, čuvicha, daremna ty dumała, što ja niepatrebny.

    ale takuju pryładu zamiest miezienca nie chacieła b. čamu? bo ź ciaham času ruka rapracavałasia i častkova viarnuła siłu, a z takoj štučnaj naŭrad ci b

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →