«Vyklikaje asacyjacyi z nacysckimi łahierami śmierci». Ukraincy pakazali čałavieka paśla dvuch hadoŭ rasijskaha pałonu
U telehram-kanale ŭkrainskaha dziaržaŭnaha kaardynacyjnaha prajekta «Chaču žyć», jaki zajmajecca prablemami viartańnia i reabilitacyi vajennapałonnych, apublikavali strašnyja fota Ramana Haryłyka, jaki razam ź jašče 74 pałonnymi viarnuŭsia z rasijskaha pałonu 31 maja. Jon pravioŭ u pałonie bolš za 2 hady.
Raman Haryłyk nie braŭ udziełu ŭ bajavych dziejańniach, jon byŭ staršym kantraloram KPP pa achovie Čarnobylskaj atamnaj elektrastancyi. Jaho razam ź inšymi 168 nachvardziejcami, jakija achoŭvali ČAES, rasijanie vyvieźli z Ukrainy praź Biełaruś u sakaviku 2022 hoda. Bolšaść hetych ludziej dahetul utrymlivajucca ŭ pałonie.
«Stan Ramana i inšych ukrainskich vajennapałonnych vyklikaje žach i asacyjacyi z samymi ciomnymi staronkami historyi čałaviectva — nacysckimi kancentracyjnymi łahierami śmierci», — pišuć u kanale.
Za ŭvieś čas znachodžańnia ŭ rasijskim pałonie Ramana i inšych 74 vajennapałonnych ukraincaŭ, viernutych hetym razam pa abmienie, ni razu nie naviedvali naziralniki Mižnarodnaha kamiteta Čyrvonaha Kryža. Ich tudy prosta nie puskajuć, jak śćviardžajecca, «śpiecyjalna, kab Mižnarodny Čyrvony Kryž nie moh zafiksavać toje, jak rasijski bok abychodzicca z vajennapałonnymi».
Ukraina i Rasija praviali pieršy ź lutaha abmien vajennapałonnymi
Rasija namahajecca sarvać Samit miru, a Kitaj vystupaje instrumientam u rukach Pucina — Zialenski
Ukraina viarnuła cieły jašče 121 zahinułaha vajskoŭca
«Prylepin zastaŭsia žyvy, ale biez hienitalij» — kiraŭnik SBU raskazaŭ padrabiaznaści śpiecapieracyj
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary