Hramadstva77

Bondarava paskardziłasia Piarcovu na karupcyju ŭ Minkulcie — jaje skarhu spuścili ŭ Minkult

Danosčyca nazvała heta «futbołam».

Volha Bondarava. Fota: «Hrodnienskaja pravda»

Prarasijskaja aktyvistka Volha Bondarava paskardziłasia padpisčykam na toje, što jaje skarhi ŭ dziaržaŭnyja orhany ihnarujuć, abmiažoŭvajučysia standartnymi adpiskami.

Hetym razam jana padrychtavała vialiki pa pamierach zvarot da namieśnika kiraŭnika administracyi Łukašenki Uładzimira Piarcova, u jakim raskrytykavała dziejnaść Ministerstva kultury i asabista ministra Anatola Markieviča.

Nabor pretenzij Bondaravaj u cełym standartny. U svaim zvarocie jana zajaŭlaje, što «suprać nacyi viadziecca vajna na źniščeńnie», a «prapahanda zachodnich kaštoŭnaściaŭ» siarod dziaciej nakiravanaja na «razbureńnie instytutu siamji, źniščeńnie paniaćciaŭ «baćka» i «maci», viadziecca prapahanda narkotykaŭ, asacyjalnaha ładu žyćcia i kultu spažyvańnia».

Usim hetym, na dumku Bondaravaj, zajmajucca nialubyja joj błohiery — DzimDzimyč, Uład Kabiakoŭ i inšyja papularnyja ŭ padletkaŭ publičnyja asoby. Ź inšaha boku, u kancertach pa ŭsioj krainie, u tym liku ŭ «Słavianskim bazary», udzielničajuć artysty, jakich Bondarava nazyvaje «BČBšnikami» — nie abyšłosia biez čarhovaha zakliku zabaranić «Drazdoŭ», — a ŭ arhanizacyi mierapryjemstvaŭ prymaje ŭdzieł JUNISIEF, jaki Bondarava ličyć «varožym».

Da zvarotu ŭ administracyju Łukašenki Bondarava prymacavała dapaŭnieńni sa spasyłkami na pasty ŭ jaje telehram-kanale, fatahrafijami i skrynami. Na adnoj z fatahrafij vyjaŭleny płakat JUNISIEF «Abarona padčas vajny», jaki aktyvistka paličyła «pravakacyjnym suprać SVA».

Prablema, na dumku Bondaravaj, u tym, što ŭsio heta adbyvajecca pry niepasrednym udziele Minkulta. U dapamozie «voraham» Bondarava abvinavaciła navat sumna viadomuju stvareńniem «čornych śpisaŭ» u śfiery kultury Irynu Dryhu.

Bolš za toje, Bondarava adkryta abvinavačvaje ŭ biaździejnaści ministra Anatola Markieviča i piša pra «pratekcyjanizm i karupcyju ŭ Minkulcie». Danosčyca patrabuje ad Piarcova «nazaŭždy prybrać ź miedyjnaj śfiery» ŭsich pieraličanych u skarzie błohieraŭ, artystaŭ i čynoŭnikaŭ, a taksama pravieści surjozny analiz dziejańniaŭ usich zacikaŭlenych supracoŭnikaŭ Minkulta.

Fota: sacsietki Bondaravaj

U administracyi Łukašenki zvarot vyrašyli spuścić u aparat Saŭmina, a toj nakiravaŭ skarhu na Minkult ułasna ŭ sam Minkult. Ci bačyŭ dakumient Piarcoŭ, nieviadoma. Sama Bondarava ličyć, što nie. Jana miarkuje, što čynoŭniki jaje prosta «futbolać». I ciapier prosić dapamohi ŭ svaich padpisčykaŭ.

@nashaniva Bondarava apraŭdvajecca za najezd na niaviestku Łukašenki #našaniva #biełaruś #łukašienko #biełaruskajamova #biełaruśnovosti #žyviebiełaruś ♬ Funny Guy - Parry Music

Kamientary7

  • daviedka
    03.06.2024
    U Olhi Bondarievoj manija vieličija, potomu čto biełorusskije činovniki futbolat absolutno vsiech hraždan, a nie tolko jejo odnu. Samyje niesmieniajemyje činovniki v stranie — eto načalniki hłavnoho upravlenija AP, upravlenij, otdiełov po rabotie s obraŝienijami hraždan... V toj žie administracii Łukašienko za tridcať let jeho vłasti takovych było vsieho nieskolko, da i tie do hłubokoj starosti. Ich cieniat imienno za eto umienije «futbolať».)
  • Acab
    03.06.2024
    A, darečy, pra ŭsich hetych aktyvistaŭ-valanteraŭ.
    Kali ŭłada hajdałasia, na ich abapierlisia, ale ciapier karol ŭmacavaŭsia i ŭsie, chto nie na akładzie buduć prycišanyja ci represavanyja.
    Dziaržava nia taleruje nievertykalnych dziejańniaŭ, navat na svaju padtrymku.
    Vyšiejnapisanaje validnaje paŭsiul.
  • Tavaryš
    03.06.2024
    "Žudasnaja pamyłka" praz 3, 2, 1...

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →