Nieruchomaść99

«Z hetymi hmachami ad našaha horada ničoha nie zastaniecca». Hrodziency nie ŭ zachapleńni ad idei ŭźvieści kvartał z vysotkami

U abłasnym centry vystavili na aŭkcyjon prava prajektavańnia i budaŭnictva šmatkvaternaj žyłoj zabudovy na ziamielnym učastku ŭ 10 hiektaraŭ. Zhodna z płanam, na pustcy musić źjavicca kvartał z damami vyšynioj da 20 pavierchaŭ. Reakcyi hrodziencaŭ u sacyjalnych sietkach śviedčyć pra toje, što daloka nie ŭsie haradžanie padtrymlivajuć takuju ideju.

Fota: Jandeks Panaramy

Handlovy centr pad nosam, a histaryčny ŭ krokavaj dastupnaści

Novy kvartał musić źjavicca na vulicy Dubko, nasuprać handlovaha centra OldCity.

Na 21 červienia pryznačany aŭkcyjon pa prodažy prava prajektavańnia i budaŭnictva šmatkvaternaj žyłoj zabudovy. Startavaja cana — 908 tysiač rubloŭ (kala 284 tysiač dalaraŭ). 

Akramia pustki, na ŭčastku znachodziacca kapitalnyja budynki, u tym liku žyłyja. Padmurki byłych budynkaŭ, zialonyja nasadžeńni roznych parod, padziemnyja inžyniernyja kamunikacyi — usio heta pojdzie pad znos.

Vydatki na padrychtoŭku ziamli da budaŭnictva acanili ŭ 7,5 miljona rubloŭ (kala 2,4 miljona dalaraŭ), što ŭ vosiem razoŭ bolš za pačatkovy košt abjekta.

Miarkujučy pa reakcyjach u sacyjalnych sietkach, mnohija haradžanie niezadavolenyja tym, što na miescy pustki, haražoŭ, starych damoŭ i zialonych nasadžeńniaŭ źjavicca mienavita žyły kvartał sa šmatpaviarchovikami.

Samy ŭpadabany kamientar pad pastom u instahram-akaŭncie adnaho z haradskich pablikaŭ hučyć tak:

«Z hetymi hmachami ad našaha pryhožaha horada ničoha nie zastaniecca, byŭ pryhožy i zialony, a ciapier nie zrazumieješ što», — piša karystalnica, čyj kamient nabraŭ 31 padabajku i staŭ samym papularnym pad abmierkavańniem naviny.

«Jaki žach, miarkujučy pa druhim fota…. Try vielizarnyja daminy sapsujuć uvieś vyhlad centra horada ź jaho nizieńkimi pryhožymi histaryčnymi domikami. Navošta takija vielizarnyja [damy] ŭ centry? Horad asacyjujecca ź nievysokimi histaryčnymi pabudovami, a tut raptam hetyja try daminy buduć tyrčać», — vykazvajuć niezadavalnieńni karystalniki.

«Ničoha novaha, kamiennyja džunhli», — piša inšy karystalnik.

«Horad stracić svoj tvar», — adznačajuć inšyja. 

Taksama ludziej aburaje, što ŭ rajonie stanie jašče mienš zielaniny.

Adzin z kamientataraŭ dzielicca svajoj historyjaj, jak palubiŭ horad, kali ŭ 1990-ja pierajechaŭ tudy ź siamjoj.

«Ja prosta ŭlubiŭsia ŭ hety horad, jon patanaŭ u zielaninie, transpartu było niašmat, ja adčuvaŭ kavałačak zachodniaj kultury. Ciapier horad hublaje svaje pazicyi i stanovicca zvyčajnym horadam, jak sotni inšych».

Kamientatar taksama adznačaje, što horad treba nie tolki ŭščylniać zabudovaj žyłych budynkaŭ, ale i stvarać zony dla adpačynku.

Jašče adna kamientatarka zaŭvažaje, što možna budavać i ŭ horadzie na pustkach. Ale, na jaje dumku, važna rabić heta treba tak, kab nie psavać ahulnuju architekturu.

«Naš horad słavicca tym, što zachavalisia staryja vułački, i tamu da nas jeduć turysty, hetym my i pryhožyja, raźvivacca treba ŭ hetym kirunku». 

Inšy kamientatar ličyć, što horadu treba raźvivać pryharady i infrastrukturu tam, a nie ŭščylniać blizkija da centru rajony.

«U horadzie [musić być] bolš parkaŭ, a kali i budavać to nievysokija damy, a nie hety kałhas».

Płany ŭščylnić rajon, jaki znachodzicca za niekalki kiłamietraŭ ad histaryčnaha centru, nie acanili i čytačy papularnaha ŭ Hrodnie haradskoha sajta s13.ru. Samaja masavaja reakcyja na navinu — aburany smajlik.

Pra toje, što 370-tysiačnamu horadu niepatrebnyja 20-paviarchovyja budynki, niadaŭna vykazvaŭsia hrodzienski krajaznaŭca Miečysłaŭ Supron. Nahadajem, što zimoj u Hrodnie aktyŭna abmiarkoŭvali temu budaŭnictva šmatpaviarchovych budynkaŭ na fonie Kałožy. Z hetaj nahody navat była stvoranaja pietycyja z prośbaj abmiežavać vyšyniu budynkaŭ u novym mikrarajonie šaściu pavierchami.

Kamientary9

  • Ch
    04.06.2024
    Miensk zhvałtavali za apošnija 20 hadoŭ tak, jak nie rabili hetaha kamunisty. Staŭ pačvarnym maskvabadam. A Harodnia budzie maskvabadam na minimałkach
  • Indiejec
    04.06.2024
    Haradzieniec

    U russkich svoich horodov takoho tipa štuk 30. S zarpatoj v 2-3 raza vyšie, i bieź pierśpiektivy prievraŝienije horoda v zavalennuju avtochłamom i stołbikami pomojku.
  • Korč
    04.06.2024
    Indiejec, davaj otkryvaj svoj rosstat i pokaži mnie śpisok iz 30 rośsijskich horodov s nasielenijem do 500 tysiač, hdie sriednije zarpłaty byli by vyšie v 2-3 raza čiem v Hrodno. Po povodu avtochłama, tvoi novyje łady ustupajut piatnadcatiletnim niemieckim mašinam kak po ekołohičieskim standartam, tak i po funkcionalnym charaktieristikam.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →