U Kalinkavičach baćka nazvaŭ syna vielmi redkim imiem. Navat mama była ŭ šoku i dumała, što muž pieradumaje
Chłopčyka nazvali Bavar. Baćka pačuŭ hetaje imia padčas prahladu turniru pa adzinaborstvie. Imia zdałosia jamu vielmi miłahučnym i jon vyrašyŭ tak nazvać svajo dzicia. Spatrebiŭsia čas, kab da niezvyčajnaha imia pryvykli svajaki i žonka, piša Smartpress.by.
«Pieršapačatkova ja była suprać i spadziavałasia, što muž pieradumaje. Ale kali niemaŭla naradziłasia, sumnievaŭ užo nie było. Za čas ciažarnaści ja pryvykła da imia. Jano i napraŭdu niezvyčajnaje, pryhožaje, a hałoŭnaje, redkaje», — raspaviała mama Bavara Vieranika.
Svajaki byli ździŭleny vybaram baćkoŭ, a siabram imia spadabałasia adrazu.
Bavar — imia francuzskaha pachodžańnia, aznačaje ŭpartaść, siłu, i mužnaść.
Pa danych Miniusta, u 2023 hodzie novanarodžanych u Biełarusi nazyvali nastupnymi redkimi imionami. Tak, u Homielskaj vobłaści źjavilisia Hraf, Džon, Mir, Cimaci i Čarli, a taksama Ruf, Era i Talija.
U Hrodzienskaj vobłaści chłopčyki atrymali imiony Siarhiej-Džunijor, Kajus, Leaniel, Evan, dziaŭčynki — Anijeła, Fiaŭrońnia, Rejnira.
U Viciebskaj naradzilisia Aryf, Złatan, Zarasłaŭ, Ruvim, Aŭrelija, Dzieja i Łuna. U Mahiloŭskaj vobłaści — Avienir, Artas, Ziejn, Isaja, Anika, Alvard, Juna.
U Minskaj vobłaści źjavilisia Volf, Rajmand, Jakum, Aŭhińnia, Valensija, Łunieła. U Minsku — Akim Žan, Oskar, Safijan, Muza, Ćviatana, Malvina, Virynieja.
Orhan zahsa nie maje prava admović u prysvajeńni dziciaci abranaha baćkami imia, kali jano nie supiarečyć normam hramadskaj marali i nacyjanalnym tradycyjam.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?10
Kamientary