Fota: facebook.com/GeneralStaff.ua

Fota: facebook.com/GeneralStaff.ua

«Siońnia nočču siły abarony Ukrainy nanieśli ŭdar rakietami ATACMS pa Kierčanskaj paromnaj pierapravie, jakaja aktyŭna vykarystoŭvałasia voraham dla zabieśpiačeńnia svajoj hrupoŭki vojskaŭ u časova akupavanym Krymie […] U vyniku istotnyja paškodžańni atrymali dva paromy, jakija ažyćciaŭlali čyhunačnyja i aŭtamabilnyja pieravozki. Adzin ź ich sieŭ na miel, čym zabłakavaŭ funkcyjanavańnie ŭsioj Kierčanskaj pierapravy», — śćviardžaje Hienštab USU.

Pres-słužba Hienštaba publikuje taksama spadarožnikavyja zdymki, na jakich bačnyja ślady paražeńniaŭ pierapravy rakietami.

Fota: facebook.com/GeneralStaff.ua

Fota: facebook.com/GeneralStaff.ua

Unačy pra ataku na Kierč paviedamlali rasijskija krynicy ŭ anieksavanym Krymie. Jany śćviardžali, što dva paromy, aŭtamabilny i čyhunačny, paškodžanyja abłomkami źbitych rakiet, i što achviar siarod marakoŭ i cyvilnych nibyta niama. Paśla Minabarony Rasii zajaviła, što na praciahu nočy nad akvatoryjaj Azoŭskaha mora byli nibyta źbityja vosiem amierykanskich apieratyŭna-taktyčnych rakiet ATACMS.

U svaju čarhu, ukrainski Hienštab śćviardžaje, što rakiety paśpiachova pieraadoleli rasijskuju SPA.

Čytajcie taksama:

Siońnia nočču ŭ Kierčy prahučała kala 20 vybuchaŭ

Rasija pierastała vykarystoŭvać Krymski most dla vajskovych hruzaŭ

Pa abjektach u Krymie ŭdaryli rakietami ATACMS

Клас
8
Панылы сорам
0
Ха-ха
0
Ого
0
Сумна
0
Абуральна
1