Samalot avijakampanii «Biełavia». Foto: belavia.by

Samalot avijakampanii «Biełavia». Foto: belavia.by

U 2023 hodzie hramadzianin K. zaklučyŭ sa staličnym turapierataram TAA «AnieksTur Baj» «damovu akazańnia turystyčnych pasłuh pa braniravańni avijatura ŭ Turcyju pa maršrucie Minsk — Antalja — Minsk».

«Viartajucysia nazad, nazad padčas viačery, prapanavanaj pradstaŭnikami rabotnikami «Biełavija», paškodziŭ zub kostačkaj čarnaślivu, jakaja znachodzicca ŭ ježy», — vykładaje pieradhistoryju sud.

Pa viartańni dadomu, mužčyna źviarnuŭsia ŭ turkampaniju i prapanavaŭ apłacić jamu restaŭracyju złamanaha zuba, u čym jamu było admoŭlena. Tady jon adramantavaŭ zub, zapłaciŭšy 171 rubiel 76 kapiejek i padaŭ na pradaŭcoŭ turpuciovak u sud, zapytaŭšy jašče 1500 rubloŭ za maralnuju škodu.

Sud razhledzieŭ abstaviny spravy i vyrašyŭ, što turkampanija adkazvaje za ŭvieś kompleks pasłuh, jaki akazvajecca na praciahu turystyčnaj pajezdki, u tym liku i tych, jakija tyčacca pieravozki i charčavańnia klijenta: «dahavornyja adnosiny paŭstali ŭ pazoŭščyka i TAA «AnieksturBaj», u ramkach jakich apošni adkazvaje za nievykanańnie abo nienaležnaje vykanańnie abaviazacielstvaŭ pryciahnutymi im arhanizacyjami, u tym liku ažyćciaŭlajuć pieravozku turystaŭ i jakija pradstaŭlajuć turystam charčavańnie, u suviazi z čym padlahaje zadavalnieńniu patrabavańnie istca ab spahnańni sumy strat u pamiery 171,76 rubla», — pastanaviŭ sudździa Pieršamajskaha rajona Minska.

U vyniku sud abaviazaŭ vypłacić pazoŭniku 500 rubloŭ za maralnyja pakuty, a taksama dziaržpošlinu i kampiensacyju sudovych vydatkaŭ.

Turystyčnaja kampanija nie stała asprečvać vierdykt.

Клас
8
Панылы сорам
4
Ха-ха
4
Ого
0
Сумна
0
Абуральна
2