29-hadovy A.K. sustreŭ svajo kachańnie ŭ instahramie. Pavodle jaho słoŭ, kachanaja na ŭsich sustrečach nasiła tradycyjny musulmanski stroj, u tym liku chustku, piša Bild.

Para sustrakałasia kala hoda, a kali jany vyrašyli ažanicca, niaviesta paviedamiła, što źjaŭlajecca siratoj. Tym nie mienš, joj udałosia znajści ŭ pasah piać hramaŭ zołata.

Novaśpiečany muž nieŭzabavie paśla viasiella adčuŭ niadobraje, pakolki jaho žonka «stała prasić prabačeńnia, kab paźbiehnuć blizkaści», spasyłajučysia na drennaje samaadčuvańnie i mienstruacyju.

Praz 12 dzion A.K. daviedaŭsia, što ŭ jaho žonki jość baćki — jany i raspaviali jamu, što jaho žonka na samaj spravie mužčyna, jaki chavajecca pad žanočym adzieńniem.

Akazałasia, što heta byŭ machlar, jaki takim čynam chacieŭ zavałodać majomaściu siamji A.K.

Jamu pahražaje pazbaŭleńnie voli na termin da čatyroch hadoŭ.

Клас
10
Панылы сорам
26
Ха-ха
80
Ого
6
Сумна
10
Абуральна
22