Fota tut i dalej: realt.by

Fota tut i dalej: realt.by

Znachodzicca VIP-kvatera na vulicy Stadyjonnaj u Minsku — ŽK «Vilenski majontak». Žyłaja płošča — 124 «kvadraty». Jość try izalavanyja pakoi (trochi dziŭna vyhladaje rašeńnie pry takoj kolkaści mietraŭ stavić u dziciačym pakoi dvuchjarusny łožak), dźvie vannyja, kuchnia-haścioŭnia, try łodžyi, dźvie harderobnyja i navat pralnaja.

Dla niebiudžetnaha azdableńnia vykarystoŭvali naturalnaje dreva, dekaratyŭnuju cehłu, parkietnuju došku ź sibirskaha dubu. Budučamu ŭłaśniku harantujuć, što letnija adklučeńni haračaj vady jaho turbavać nie buduć — bojler u najaŭnaści.

Ale hałoŭnaj fiškaj kvatery nazyvajuć damašni kinateatr, jaki znachodzicca ŭ vialikaj haścioŭni, abjadnanaj z kuchniaj. Dastatkova tolki nacisnuć knopku na telefonie ŭ śpiecyjalnym mabilnym dadatku — i jon zapuścić scenaryj «kinateatr»: chutka zaciahnucca ščylnyja čornyja štory, jakija adździalać vializnuju kanapu ad kuchni, a ekran, jaki vysoŭvajecca, pierakryje smart-televizar. Viadoma, jość i prajektar, i jakasnaja hukavaja sistema. Abiacajuć efiekt poŭnaha pahružeńnia ŭ lubyja błokbastary.

Chutka znajści pakupnika dla elitnaj nieruchomaści nie atrymlivajecca, tamu pradaviec užo prapanuje źnižku ŭ 50 tysiač dalaraŭ. Novaja cana — 300 tysiač dalaraŭ. U biełaruskich heta prykładna 950 tysiač rubloŭ.

Čytajcie taksama:

U Kryžoŭcy nie ŭpieršyniu sprabujuć zdać pałac, šykoŭnych interjeraŭ jakoha saromiejucca navat ryełtary FOTY

Alimpijski pryzior Daščynski pradaje dom kala Drazdoŭ. Jak vam interjery?

U krasaviku samuju darahuju kvateru ŭ Minsku pradali za paŭmiljona dalaraŭ

Клас
7
Панылы сорам
5
Ха-ха
5
Ого
3
Сумна
1
Абуральна
0