Ahienctva ŭnutranaj biaśpieki Polščy (ABW). Fota: gov.pl

Ahienctva ŭnutranaj biaśpieki Polščy (ABW). Fota: gov.pl

Jak paviedamlaje polskaje vydańnie «Reč Paspalitaja», dva biełarusy i adzin palak rychtavali masavyja dyviersii i padpały handlovych centraŭ, restaranaŭ i budaŭničych składoŭ u niekalkich bujnych haradach Polščy.

Asnoŭnym zakazčykam dyviersij, pa viersii śledstva, źjaŭlajecca rasijskaje HRU, piša vydańnie.

Pa infarmacyi śledčych, zapłanavanyja padpały byli nakiravanyja na toje, kab vyklikać chaos i strach u Polščy, naniosšy škodu majomaści i ludziam.

Za kožny paškodžany ci źniščany abjekt vykanaŭcam prapanoŭvałasia ŭznaharoda ŭ 10 tysiač jeŭra.

«Adnamu ź biełarusaŭ 37 hadoŭ, a małodšamu 35 hadoŭ. U adnaho ź ich jość biełaruski pašpart, a ŭ inšaha była karta palaka. Abodva žyli ŭ pryharadzie i ŭ samoj Varšavie.

Treci zatrymany, 40-hadovy palak, žyvie ŭ Pamorskim vajavodstvie», — paviedamlaje «Reč Paspalitaja» sa spasyłkaj na krynicy ŭ polskich śpiecsłužbach i prakuratury.

Aryštavanych biełarusaŭ i palaka ŭžo aficyjna abvinavacili «va ŭdziele ŭ arhanizavanaj złačynnaj hrupoŭcy, nakiravanaj na ažyćciaŭleńnie dziejnaści ŭ intaresach zamiežnaj vyviedki suprać Respubliki Polšča» (č. 1 art. 258 KK Polščy), a taksama «va ŭdziele ŭ dziejnaści rasijskaj vyviedki ŭ abmien na abiacańnie atrymać materyjalnuju vyhadu ad dyviersijnych i sabatažnych dziejańniaŭ na terytoryi Polščy» (č. 7 art. 130 KK Polščy).

Sankcyi pa abodvuch artykułach praduhledžvajuć pakarańnie da pažyćciovaha źniavoleńnia.

Čytajcie taksama:

Polšča płanuje zaminiravać miažu ź Biełaruśsiu i Rasijaj

U Polščy stvaryli jašče adnu kamisiju pa rasijskim i biełaruskim upłyvach

Kapitan Bundeśviera dobraachvotna špijoniŭ na Rasiju, «kab zahadzia atrymać ad jaje papiaredžańnie ab naniasieńni jadziernaha ŭdaru»

Клас
25
Панылы сорам
10
Ха-ха
2
Ого
6
Сумна
4
Абуральна
11