Źleva naprava: Andrej Ivanoŭ i Alaksandr Karziuk. Fota: bvn.by, «Kibierpartyzany»

Źleva naprava: Andrej Ivanoŭ i Alaksandr Karziuk. Fota: bvn.by, «Kibierpartyzany»

Na łavie padsudnych akazalisia Andrej Ivanoŭ i 56-hadovy Alaksandr Karziuk. Ich inicyjały całkam supadajuć ź imionami kolišnich biełaruskich top-čynoŭnikaŭ. Ivanoŭ da 2020-ha zajmaŭ pasadu namieśnika ministra transpartu i kamunikacyj, a Karziuk da niadaŭniaha času ŭznačalvaŭ upraŭleńnie finansaŭ ŽKH, transpartu i suviazi Ministerstva finansaŭ.

Karziuk anivodnaha razu nie davaŭ publičnych intervju. Viadoma tolki, što jon dobra hulaje ŭ šachmaty.

Andrej Ivanoŭ raniej uznačalvaŭ RUP «Biełaŭtastrada», jakoje absłuhoŭvaje sistemu BelToll. U sakaviku 2019-ha jaho naznačyli namieśnikam ministra transpartu i kamunikacyj. «Biełaruś i Rasija — susiedzi, sajuźniki i adnadumcy», — kazaŭ Ivanoŭ u adnym z apošnich svaich intervju na pasadzie. Jon jeździŭ z pracoŭnymi kamandziroŭkami ŭ roznyja krainy, u tym liku i ŭ ES. Ale ŭ sakaviku 2020-ha jaho raptoŭna zdymajuć «pa pahadnieńni bakoŭ».

Sud nad mužčynami pačaŭsia 27 maja ŭ Minskim haradskim sudzie. Jon budzie zakryty.

Akramia «atrymańnia chabaru ŭ bujnym i asabliva bujnym pamierach» (č. 2 i č. 3 KK RB) abodvuch mužčyn sudziać pa č. 2 art. 356 KK, «zdrada dziaržavie, ździejśnienaja słužbovaj asobaj, jakaja zajmaje adkaznaje stanovišča». Sutnaść abvinavačańnia nieviadomaja.

Im pahražaje pa sumie abvinavačańniaŭ da 25 hadoŭ turmy. Sudzić ich sudździa Siarhiej Kacer, viadomy pa mnohich palityčnych spravach.

Čytajcie taksama:

Za bujny chabar sudziać dyrektara «Minskrambuda» i tyłavoha načalnika z Departamienta achovy MUS

Namieśniku kiraŭnika pradpryjemstva z hrupy kampanij «Santa» dali 10 hadoŭ za bujny chabar

Vyniesieny prysud kiraŭniku homielskaha Bielinviestbanka, jakoha adnačasova sudzili za palityku, karupcyju i narkotyki

Клас
5
Панылы сорам
2
Ха-ха
12
Ого
12
Сумна
1
Абуральна
8