Turcyja pašyryć «zialony śpis» tavaraŭ dla impartu ŭ Biełaruś i Rasiju
U najbližejšy čas banki Turcyi pašyrać «zialony śpis» tavaraŭ, pa jakich tureckija banki buduć bieśpieraškodna prymać płaciažy ź Biełarusi i Rasii. Pra heta pišuć «Iźviestija».
Vusnyja damoŭlenaści z tureckimi bankami dasiahnutyja, tranzakcyi pa pašyranym śpisie pojduć u najbližejšy čas.
«Zialony śpis» źbirajucca pašyryć na tavary narodnaha spažyvańnia i elektroniki. Akramia taho, čakajecca, što źniknuć prablemy z apłataj aŭtamabilaŭ i niekatoraj pradukcyi mašynabudavańnia.
Raźliki z Turcyjaj uskładnilisia ŭ kancy 2023 hoda z-za ryzyki druhasnych sankcyj ZŠA dla tureckich bankaŭ. Z tych časoŭ bieśpieraškodna iduć płaciažy tolki pa «zialonym śpisie tavaraŭ», u jaki ŭklučanyja sielhaspradukcyja, miedycynskija i farmaceŭtyčnyja tavary, tekstyl, płaciažy pa turyźmie, adukacyjnych i miedycynskich pasłuhach.
Kamientary