Samalot ASC 890. Fota: PlJonson / Twetter

Samalot ASC 890. Fota: PlJonson / Twetter

Samalot ASC 890 zjaŭlajecca praktyčna anałaham rasijskaha Ił-20M i A-50. Sudna abstalavanaje radaram Erieye z zonaj skanavańnia 120 hradusaŭ, što dazvalaje adsočvać karabli, samaloty i rakiety na adlehłaści da 350 km na vyšyni šeść kiłamietraŭ. 

Pa słovach ministra abarony Šviecyi Poła Jonsana, ASC 890 akaža «najbolšy ŭpłyŭ na ŭkrainskuju supraćpavietranuju abaronu», pakolki dapoŭnić i ŭzmocnić abiacanyja amierykanskija źniščalniki F-16. 

«Jany mohuć identyfikavać kryłatyja rakiety, bieśpiłotniki i celi, jak na sušy, tak i na mory», — skazaŭ jon. 

Akramia taho, Šviecyja pieradaść avijacyjnyja rakiety siaredniaha radyusu AMRAAM. U paviedamleńni Minabarony havorycca, što jany adaptavany dla vykarystańnia ŭ naziemnych zienitna-rakietnych kompleksach. 

Takija rakiety taksama vykarystoŭvajuć źniščalniki F-16, jakija Ukraina raźličvaje atrymać ad jeŭrapiejskich krain da kanca hoda. 

U pres-relizie šviedskaha Ministerstva abarony taksama havorycca, što Stakholm addaść Kijevu ŭsie najaŭnyja ŭ jaho bronietransparciory PBV 302. 

Ministerstva abarony Šviecyi pryznaje, što, pieradajučy Ukrainie latajučyja radary, jano źnižaje abaranazdolnaść svajoj krainy. Kampiensavać niedachop takoha samalota jano maje namier zakupkaj dadatkovych samalotaŭ S106 GlobalEye. 

Šviecyja ŭ 2024 hodzie stała členam NATA. Zajaŭku na ŭstupleńnie ŭ Aljans ułady krainy, jakaja raniej zachoŭvała niejtralitet, padali ŭ 2022 hodzie na fonie poŭnamaštabnaj vajny Rasii suprać Ukrainy.

Čytajcie taksama:

Krainy NATA paprasili Zialenskaha nie patrabavać siabroŭstva Ukrainy ŭ aljansie

Krainy ES pačali zdymać abmiežavańni dla Ukrainy na ŭdary pa terytoryi Rasii — Barel

Rasija hatovaja praciahvać Stambulski pieramoŭny praces — Pucin

Клас
21
Панылы сорам
0
Ха-ха
1
Ого
1
Сумна
1
Абуральна
0