Ci možna letam chadzić pa horadzie z hołym torsam? Adkazvaje juryst
«U mocnuju śpiakotu ŭ horadzie možna sustreć mužčyn z hołym tułavam. A ci možna mužčynam u horadzie chadzić biez majki? Ci nie budzie heta ličycca chulihanstvam? Nie na kurorcie ž!» — zadała pytańnie minčanka Ja. Savieljeva vydańniu «AiF».
Advakat Mahiloŭskaj abłasnoj kalehii advakataŭ Uładzimir Harbačoŭ adnaznačna adkazaŭ: «Nie. U zakonie nidzie nie skazana, što zabaroniena chadzić pa horadzie z hołym tułavam».
Pavodle jaho słoŭ, chulihanstva jak złačynstva vyznačana č.1 art. 339 KK Respubliki Biełaruś i apisvajecca jak naŭmysnyja dziejańni, jakija hruba parušajuć hramadski paradak i vykazvajuć vidavočnuju niepavahu da hramadstva, jakija supravadžajucca ŭžyvańniem hvałtu abo pahrozaj jaho ŭžyvańnia abo źniščeńniem abo paškodžańniem čužoj majomaści, abo adroznyja pa svajmu źmiestu vyklučnym cynizmam.
Za takija dziejańni karajuć hramadskimi pracami, ci štrafam, ci papraŭčymi pracami na termin da dvuch hadoŭ, ci aryštam, ci abmiežavańniem voli na termin da dvuch hadoŭ, ci pazbaŭleńniem voli na termin da troch hadoŭ.
U pieršym i ŭ druhim vypadku adkaznaść nadychodzić z 14 hadoŭ.
Takim čynam, kali ŭ pavodzinach mužčyny niama nazvanych prykmiet administracyjnaha pravaparušeńnia abo kryminalnaha złačynstva, to prosta chadzić pa vulicach horada z hołym torsam nie zabaroniena, zaznačyŭ ekśpiert.
Ale ekśpiert nijak nie adznačyŭ, ci tyčycca toje samaje žančyn, ci artykuł za «chulihanstva» maje hiendarny padzieł.
Biełarus patłumačyŭ u tyktoku, čamu varta zaŭsiody pieraviešvać na kasie ŭžo ŭzvažanuju kaŭbasu
Pakul kiroŭca była na śviatočnaj liniejcy ŭ škole, razzłavany mužčyna abkruciŭ skotčam jaje mašynu
Žycharka Homiela pakazała našeście mošak u svaim domie. Miortvych nasiakomych pryjšłosia vymiatać uvieś dzień
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
Asabista mianie nie abražajuć i całkam hołyja luboha połu, ŭzrostu i fizičnaha stanu