Na biełaruska-litoŭskaj miažy zaŭvažyli viełasipiedysta ź dziciačym rovaram
Śmiešnym videa z Newgrodno.by padzialilisia čytačy. Pa ich słovach, heta było ŭ punkcie propusku «Bieniakoni».
Pierad mašynaj, u jakoj jość rehistratar, da punkta propusku padjazdžaje viełasipiedyst. Zrešty, padjazdžaje — zanadta hučnaje słova.
Mužčyna padkatvaje da pamiežnikaŭ … dziciačy rovar, na jaki nie zmoh by sieści pry ŭsim žadańni. Ale, mabyć, jaho možna traktavać, jak viełasipiedysta, tamu jon i pierasiakaje miažu ŭ čarzie ź lehkavuškami.
Raniej heta byŭ całkam dziejny łajfchak. Viełasipiedysty ŭ čarzie na miažy nie stajali i mahli padjechać prosta da šłahbauma, zekanomiŭšy niekalki hadzin čakańnia.
Potym hetaje praviła admianili, adpraviŭšy viełasipiedystaŭ u ahulnuju čarhu na miažy. Adnak mnohija da hetaha času sadziacca na rovar ci biaruć jaho ŭ ruki, kab nie ličycca piešachodami.
Zrešty, mahčyma, takim čynam mužčyna vyrašyŭ pravieźci rovar dziciaci, jakoje znachodzicca ź inšaha boku miažy.
Kamientary
A viełosipiedistov čieriez Bieniakoni užie nie puskajut,
tak čto i vidosik staryj.