Śledčyja raskryli zabojstva, jakoje było ździejśniena ŭ Połacku ŭ 2001 hodzie.

21 krasavika 2001-ha cieła žančyny 1927 hoda naradžeńnia z prykmietami hvałtoŭnaj śmierci znajšli ŭ jaje doma. Na miescy zdareńnia znajšli niedakurak, a na ciele — frahmienty paznohciaŭ. Adnak vyłučyć DNK tady nie ŭdałosia, dokazy adpravili na skład.

U 2019 hodzie sudovyja ekśpierty pryznačyli ekśpiertyzu niedakurka. Dziakujučy sučasnym mietadam, udałosia vyłučyć bijamateryjał mužčyny, hienatyp jakoha byŭ uniesieny ŭ bazu Dziaržkamiteta sudovych ekśpiertyz.

U 2023 hodzie było ŭstanoŭlena supadzieńnie hienatypu z hienatypam žychara Połacka 1984 hoda naradžeńnia. Dadatkovyja ekśpiertyzy pakazali, što častki nohcievych płaścin, vyjaŭlenych na ciele zabitaj, naležali mienavita hetamu mužčynu.

Śledčym udałosia adnavić chranałohiju złačynstva. U krasaviku 2001 hoda pamiž maładym na toj momant čałaviekam i žančynaj paŭstaŭ kanflikt. U vyniku złačyniec mocna źbiŭ žančynu rukami, nahami i pradmietami, jakija trapili pad ruku, a zatym zadušy viaroŭkaj. 

Zabojca atrymaŭ 9,5 hoda pazbaŭleńnia voli z ulikam taho, što ŭ momant ździajśnieńnia złačynstva jon byŭ niepaŭnaletnim.

Клас
1
Панылы сорам
0
Ха-ха
0
Ого
2
Сумна
0
Абуральна
6