Aryhinalny AMG 55

Kabryjalet z samym vialikim abjomam ruchavika z tych, što pradajucca ŭ Biełarusi, — heta Mercedes-Benz CLK 55 AMG 2005 hoda vypusku. Pad kapotam u jaho bienzinavy ruchavik V8 abjomam 5,5 litra. Zajaŭleny prabieh aŭtamabila — 141 tysiača kiłamietraŭ.

Fota: av.by

Fota: av.by

Pradaviec adznačaje, što za ŭvieś čas było vypuščana ŭsiaho 2711 anałahičnych mašyn. Hety CLK — sapraŭdy aryhinalny AMG, a nie samarobnaja pierarobka z šyldzikami AMG, nabytymi na «Malinaŭcy».

Za davoli redki aŭtamabil prosiać 24 tysiačy dalaraŭ. U apisańni paznačana, što Mercedes znachodzicca ŭ vydatnym stanie i nie patrabuje ŭkładańniaŭ. Zimuje kabryjalet u ciopłym parkinhu, havorycca ŭ abjavie.

Dva «Mustanhi» ź siurpryzami

Siarod kabryjaletaŭ ź vialikim abjomam ruchavika taksama pradajucca dva Ford Mustang šostaha pakaleńnia. Abiedźvie mašyny — 2019 hoda vypusku. Pad kapotam u ich 5-litrovyja ruchaviki V8 mahutnaściu 460 konskich sił. 

Fota: av.by

Fota: av.by

Za čyrvony Mustang prosiać 41 300 dalaraŭ, a za bieły — 65 tysiač.

Ale jość niuans. Pa VIN-numary, paznačanym u abjavie da čyrvonaha Ford, prabivajecca Ford Mustang z bazavym ruchavikom 2,3 litra pad kapotam. Naprykancy 2022 hoda hetuju mašynu pradavali na amierykanskim aŭkcyjonie z paškodžańniami ad zatapleńnia, a ŭžo viasnoju 2023 hoda razmytnili ŭ Biełarusi.

Fota: skrynšoty z sajta av.by i bidfax.info

Fota: skrynšoty z sajta av.by i bidfax.info

Kali ŭ numary kuzava pamyłki niama, to atrymlivajecca, što adzin z dvuch Mustang z 5.0 V8, jakija pradajucca ŭ Biełarusi, źjaŭlajecca «taplakom» sa Štataŭ, u jaki, pa ŭsioj bačnaści, užo ŭ nas ustalavali mator abjomam 5,0 zamiest 2,3.

Bieły «Mustanh» taksama nie bieź siurpryzaŭ, choć 5-litrovy ruchavik tam staić ad zavoda.

Fota: skrynšot z sajta bid.cars

Fota: skrynšot z sajta bid.cars

Kabryjalet Ford biełaha koleru kuplali ŭ Štatach z paškodžańniami pa kuzavie. Ale zamiest aryhinalnych detalaŭ na mašynu pastavili kapot i piaredni bampier ad zaradžanaj viersii Ford Mustanf Shelby GT, pad kapotam u jakoha pa zavodzie staić nie 5-litrovy ruchavik V8 mahutnaściu 460 k.s, a 5,2 V8 na 526 konskich sił.

Fota: av.by

Fota: av.by

Bolš za 500 koniej pad kapotam

Jašče adzin kabryjalet z 5-litrovym matoram — BMW M6 2007 hoda vypusku z zajaŭlenym prabieham 56 700 km. Mahutnaść matora — 507 konskich sił. I heta samy mahutny z kabryjaletaŭ, jakija pradajuć u našaj krainie.

Fota: av.by

Fota: av.by

Prosiać za zaradžany kabryjalet ad BMW 39 900 dalaraŭ. U apisańni da aŭtamabila paznačana, što mašyna maje biezavaryjnuju historyju, kuplałasia novaj u ZŠA i za ŭsiu historyju maje adnaho ŭłaśnika.

Fota: av.by

Fota: av.by

Na hetym śpis mahutnych kabryjaletaŭ z abjomam ruchavika ad 5 litraŭ, jakija pradajuć u Biełarusi, zakančvajecca.

Ahułam u našaj krainie pradajecca kala 150 mašyn z adkidnym dacham. 

Čytajcie taksama:

Nie tolki luksavyja aŭto i śviežyja małalitražki. U Biełaruś masava honiać navat 16-hadovyja mašyny ź Jeŭropy

Клас
7
Панылы сорам
4
Ха-ха
4
Ого
3
Сумна
1
Абуральна
2