Jon raźmieščany ŭ spalnym rajonie.
Pavodle źviestak kiraŭnika horada Ihara Cierachava, snarad patrapiŭ u budaŭničuju kramu. Miarkujučy pa videa, heta hipiermarkiet «Epicentr» na poŭdni horada.
Cierachaŭ dadaŭ paviedamiŭ, što ŭ handlovym centry było šmat ludziej, i ŭ vyniku ŭdaru jość vialikaja kolkaść źnikłych bieź viestak. Dva čałavieki zahinuli, 11 paciarpieli.
«Suśpilnie» piša, što na suviaź nie vychodziać 15 supracoŭnikaŭ hipiermarkieta.
Pavodle słovaŭ kiraŭnika Charkaŭskaj abłasnoj administracyi Aleha Siniahubava, rasijskaja avijacyja skinuła dźvie karektavalnyja avijabomby na budaŭničy hipiermarkiet.
Prezident Ukrainy Uładzimir Zialenski paźniej udakładniŭ, što ŭ hipiermarkiecie mahli znachodzicca bolš za 200 čałaviek. Pavodle jaho źviestak, u pamiaškańni pačaŭsia pažar płoščaj 10 tysiač kvadratnych mietraŭ.
Zialenski dadaŭ, što kali b va USU było dastatkova srodkaŭ SPA i sučasnaj bajavoj avijacyi, takija rasijskija ŭdary stali b prosta niemahčymymi – i ŭ čarhovy raz zaklikaŭ lidaraŭ krain-sajuźnic uzmacnić pastaŭki.
Mer horada zajaviŭ, što Rasija nieŭzabavie naniesła jašče adzin udar pa Charkavie — pa Centralnym parku. Infarmacyi ab achviarach pakul niama.
Łukašenka ŭpieršyniu źjaviŭsia na publicy razam z mamaj Koli26
Kamientary