Biełaruś ekstradziravała hramadzianina Litvy, jaki byŭ u vyšuku Interpała
Jon zhvałtavaŭ adnu niepaŭnaletniuju i sprabavaŭ zhvałtavać druhuju.
Hramadzianin Litvy, jaki znachodziŭsia ŭ mižnarodnym vyšuku pa linii Interpała, ekstradziravany ź Biełarusi na radzimu, paviedamlaje pres-słužba MUS.
35-hadovy mužčyna adšukvaŭsia pravaachoŭnymi orhanami susiedniaj krainy za toje, što ŭ stanie ałkaholnaha apjanieńnia razam z saŭdzielnikami zhvałtavaŭ niepaŭnaletniuju i pryčyniŭ joj cialesnyja paškodžańni. U toj ža dzień, užyvajučy fizičny i psichałahičny hvałt sprabavaŭ zhvałtavać inšuju niepaŭnaletniuju. Ale jamu pieraškodziŭ haspadar žylla, jaki staŭ na abaronu dziaŭčyny. Adnak jaje zdaroŭju byŭ naniesieny ŭron.
Pa kanałach Interpała była atrymana infarmacyja ab mahčymym znachodžańni złačyncy. Jaho zatrymali ŭ Bieniakoniach Voranaŭskaha rajona.
Pa vynikach ekstradycyjnaj pravierki Hienieralnaj prakuraturaj pryniata rašeńnie ab vydačy Litvie. Ekstradycyja adbyłasia na pamiežnym pierachodzie «Kamienny Łoh — Miedniki».
Pres-słužba MUS padkreślivaje, što niahledziačy na sankcyi, ŭzajemadziejańnie pamiž pravaachoŭnymi viedamstvami Biełarusi i Litvy praciahvajecca.
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy7
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami66
Kamientary