Daterminovyja parłamienckija vybary ŭ Vialikabrytanii projduć 4 lipienia, zajaviŭ premjer-ministr Ryšy Sunak pa vynikach pasiadžeńnia ŭrada 22 maja.
«Ciapier čas dla Vialikabrytanii vybirać svaju budučyniu — vyrašyć, ci chočam my abapiracca na dasiahnuty prahres ci ryzyknuć i apynucca znoŭ u samym pačatku, biez płana, bieź jasnaści.
Raniej siońnia ŭ razmovie ź Jaho Vialikaściu karalom ja paprasiŭ raspuścić parłamient. Karol zadavoliŭ hetuju prośbu, i ŭ nas buduć usieahulnyja vybary 4 lipienia».
Ryšy Sunak adznačyŭ, što vybary ŭ Vialikabrytanii projduć u toj čas, kali «śviet staŭ bolš niebiaśpiečnym, čym jon byŭ z časoŭ zakančeńnia chałodnaj vajny». Pahrozu hłabalnaj biaśpiecy i stabilnaści, ź jahonych słoŭ, ujaŭlajuć bajavyja dziejańni va Ukrainie i ŭzmacnieńnie «isłamisckaha ekstremizmu» na Blizkim Uschodzie.
Na ŭsieahulnych vybarach u Vialikabrytanii farmujecca novy skład Pałaty abščyn — nižniaj pałaty parłamienta Vialikabrytanii. Vybary prachodziać u 650 adnamandatnych vybarčych akruhach. U kožnaj akruzie prachodzić hałasavańnie za kandydataŭ ad hetaj akruhi.
Kiraŭnik Kansiervatyŭnaj partyi Ryšy Sunak zajmaje pasadu premjer-ministram Vialikabrytanii z 25 kastryčnika 2022 hoda. Jon zaniaŭ jaje paśla adstaŭki Liz Tras, jakaja ŭznačalvała ŭrad usiaho 44 dni. Nastupnyja płanavyja vybary pavinny byli b adbycca da 28 studzienia 2025 hoda, papiaredni raz brytancy hałasavali ŭ 2019-m.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior19
Kamientary