Fota: Maksim Stuliŭ / Viedamaści

Fota: Maksim Stuliŭ / Viedamaści

Znoŭ Kitaj

Pra płany adradzić vypusk aŭtamabilaŭ pad brendam «Vołha» ŭsurjoz zahavaryli jašče letam 2022 hoda. Adbyłosia heta paśla taho, jak suśvietnyja aŭtavytvorcy pačali sychodzić z Rasii ŭ adkaz na vajennuju ahresiju suprać Ukrainy. Prezientavali navinku amal praz dva hady paśla ahučvańnia płanaŭ.

Praŭda, pa fakcie, publicy pakazali nie niešta novaje, a try aŭtamabili kitajskaha brenda Changan, tolki vypuščanyja pad ułasnym brendam.

Ad aryhinalnych madelaŭ rasijskija «Vołhi» adroźnivajucca tolki radyjatarnaj rašotkaj i šyldzikami. Pieršym płanujuć naładzić vypusk siedana S40. Pačatak vytvorčaści krasovieraŭ K30 i K40 zapłanavany na pačatak 2025 hoda.

  Fota: Maksim Stuliŭ / Viedamaści

Fota: Maksim Stuliŭ / Viedamaści

Zamiest VW i Skoda

Raniej pa padobnaj schiemie ŭ Rasii «adradzili» brend «Maskvič», jakija ciapier źbirajuć na mahutnaściach byłoha zavoda Renault u Maskvie. Jak i ŭ vypadku z «Vołhaj», rasijskaha tam tolki nazva. Miarkujecca, što zborka novaj «Vołhi» budzie adbyvacca ŭ cechach, dzie da vajny źbirali aŭtamabili Volkswagen Group.

Admietna, što ŭ hetaha rasijskaha aŭtavytvorcy ŭžo byŭ dośvied vypusku inšamarak pad ułasnym brendam. Tak, u 2008-2010 na mahutnaściach zavoda ŭ Nižnim Noŭharadzie naładzili vypusk siedana Volga Siber, jaki źjaŭlaŭsia kopijaj Chrysler Sebring. Toj vypuskaŭsia ŭ Štatach z 2001 hoda. 

Chrysler Sebring i Volga Siber. Fota: av.by

Chrysler Sebring i Volga Siber. Fota: av.by

Tady pieršapačatkova płanavałasia, što ŭ 2008 hodzie budzie vypuščana 10 000 aŭtamabilaŭ Volga Siber, a ŭ 2009 hodzie — 45 000. Realnyja ličby vytvorčaści akazalisia kudy bolš ścipłymi. U pieryjad z 2008 pa 2010 hady, było vypuščana ŭsiaho 8933 adzinki Volga Siber.

Na hetym vytvorčaść aŭto pad brendam Volga spyniłasia. Kali brać čystakroŭnyja «Vołhi», to ich pierastali vypuskać jašče raniej — u 2009-m.

HAZ-31105. 2003-2009 hadoŭ vypusku. Fota: av.by

HAZ-31105. 2003-2009 hadoŭ vypusku. Fota: av.by

Takim čynam, atrymlivajecca, što HAZ-31105 stała apošniaj sapraŭdnaj «Vołhaj» u historyi brenda.

Čytajcie taksama:

LADA adnaviła vypusk usiaho madelnaha radu. Cana na papularnuju Lada Largus — kosmas

Staryja aŭto ŭ Biełarusi časam kaštujuć u 4 razy daražej, čym u Litvie

Клас
5
Панылы сорам
3
Ха-ха
27
Ого
2
Сумна
1
Абуральна
3