Ekanomika3232

Biełaruskaja prapahanda śćviardžaje, što tracina litoŭcaŭ žyvie ŭ biednaści. Ale ich «biednaść» — naš siaredni zarobak

Prykładna tracina nasielnictva Litvy ci ŭžo za rysaj biednaści, ci bałansuje na miažy prorvy, piša aŭtar artykuła ŭ «SB. Biełaruś siehodnia».

Vilnia. Ilustracyjnaje fota: Naša Niva

Litoŭskaja haleča pa viersii łukašenkaŭskaj prapahandy

Aŭtar SB zapeŭnivaje čytačoŭ, što ekanamičnaja situacyja ŭ Litvie kiepskaja i budzie tolki paharšacca. 

U jakaści dokazaŭ jon spasyłajecca na kolkaść ludziej, jakija žyvuć pa-za rysaj biednaści ci nabližajucca da jaje.

Ale što ŭjaŭlaje saboj «rysa biednaści» ŭ Litvie?

Rysa absalutnaj biednaści ŭ Litvie ŭ minułym hodzie składała 354 jeŭra na adnaho čałavieka. Heta kala 1235 biełaruskich rubloŭ pa ciapierašnim kursie. Ludziej, jakija niedaciahvajuć da jaje — 187 tysiač čałaviek, abo 6,5% nasielnictva.

Pad ryzykaj biednaści ŭ Litvie znachodziacca tyja, chto maje 510 jeŭra ŭ miesiac na adnaho žychara ci 1071 jeŭra na siamju.

U pieravodzie na našia hrošy atrymlivajecca kala 1780 rubloŭ na adnu asobu i kala 3740 rubloŭ na siamju. U hetaj hrupie kala 21% žycharoŭ krainy.

«Statystyka hladzicca strašnavata — prykładna tracina nasielnictva respubliki ci ŭžo za rysaj biednaści, abo bałansuje na miažy prorvy», — piša aŭtar. 

A što ź biednaściu ŭ Biełarusi?

Zhodna z aficyjnymi ličbami, za rysaj biednaści ŭ Biełarusi sapraŭdy žyvie mienšy pracent nasielnictva, čym u Litvie — usiaho 3,5% nasielnictva.

Kab trapić za rysu biednaści ŭ Biełarusi pa mietodycy Biełstata, miesiačny dachod čałavieka musić składać mienš za 418 rubloŭ (kala 120 jeŭra).

Atrymlivajecca, što rysa biednaści ŭ Biełarusi i Litvie adroźnivajecca amal u try razy.

A što budzie, kali padliki robić nie Biełstat?

Adnak kali vyznačać rysu biednaści nie pa mietodycy Biełstata.

Pavodle mietodyki Suśvietnaha banka, pad rysaj biednaści ŭ Biełarusi razumiejuć tych, u kaho miesiačny ŭzrovień dachodaŭ na čałavieka mienšy za $205,5 (heta kala 660 rubloŭ abo 185 jeŭra). Kali abapiracca na hetu mietadałohiju, dola žycharoŭ Biełarusi, jakija znachodziacca za rysaj biednaści, składaje 27% nasielnictva.

Ilustracyjny zdymak. Fota: «Naša Niva»

Kpiny prapahandystaŭ ź Biełarusi ŭ bok Litvy vyhladajuć całkam niedarečnymi. Pry hetym žadańnie paraŭnoŭvać ekanamičnyja pakazčyki Biełarusi ź Litvoj majuć prava na isnavańnie.

Abiedźvie krainy tryccać piać hadoŭ tamu byli ŭ składzie SSSR i paśla jaho raspadu znachodzilisia ŭ padobnych umovach. Ale Litva vybrała jeŭrapiejski šlach raźvićcia i ŭžo 20 hadoŭ źjaŭlajecca členam Jeŭrasajuza. Biełaruś ža abrała inšy šlach i pryviazałasia da Rasii.

U vyniku heta hramadzianie Biełarusi masava jeździać na zarobki ŭ Litvu, a nie naadvarot.

Sačycie za ličbami

Siaredniaja zarpłata ŭ Litvie pa dadzienych za čaćviorty kvartał 2023 hoda składała 1304 jeŭra na ruki. U Biełarusi ŭžo padličyli zarobki za sakavik 2024 hoda. Atrymałasia 1859 rubloŭ čystymi, albo 529 jeŭra.

Takim čynam, čałaviek ź siarednim biełaruskim zarobkam ledź-ledź pieravyšaje litoŭskuju zony ryzyki biednaści.

Raspaviadajučy pra haleču ŭ Litvie, aŭtar «SB» tłumačyć, što ŭ Litvie ŭsio drenna z vytvorčaściu, praz što kraina hublaje pracoŭnyja miescy, a ludzi zastajucca biez pracy, tamu i papaŭniajuć śpisy biednych.

Ale statystyka pakazvaje advarotnaje. Dniami stała viadoma, što ŭ pieršym kvartale 2024 hoda ŭ Litvie była samaja vialikaja kolkaść rabotnikaŭ za apošnija 25 hadoŭ — na rynku źjaviłasia 40 000 novych rabotnikaŭ. 

Kamientary32

  • No
    23.05.2024
    Biełaruś adna z najbiadniejšych krain Jeŭropy.
    Tatalnaja emihracyja nasielnictva, katastrafičnaja niastača pracoŭnych, niama lekaraŭ, ludažernyja zakony, ałsutnaść praŭ i zakonaŭ. Šmat chto biažyć adsiul. Kraina pa iście rehijon raški.
    Što choča davieści kałhasnaja prapahanda?
    Hetaha tryźnieńnia nichto nie čytaje. Navošta NN kałupacca ŭ hetaj kałhasnaj pamyjnicy?
  • Josik
    23.05.2024
    Dyk navošta vy tak zacikaŭleny, kab da vas litoŭskija žabraki jeździli, što biaźviz nie admianiajecie. Kaniešnie, prapahandyst siadzić na vialikim zarobku, ale astaniajeinasielnictva ŭ sr.cy. U 1998 jeździŭ u Kišynioŭ, tam ci žabrak, ci z hrašyma, nie było bačna siaredniaha kłasu, u Biełarusi niejak niezaŭvažna było tady takoje stanovišča. A zaraz, jak ja dla siabie baču, u Biełarusi mienš siaredniaha kłasu, razryŭ adčuvalny pamiž zamožnych hramadzian, i ad zarobku da avansu, ad avansu da zarobku, i dzicia ŭ škołku pa Chałvie.
  • niečieho łoviť čto v RB čto v Litvie
    23.05.2024
    Sravnitie cieny na žilje v Minskie i Vilniusie. Eto x2 kak minimum. A tak žie kommunałku i druhije sojuzovskije cieńniki. Tak čto tyŝa-jevrovyje zarobki v Litvie primierno kak v RB 500. A mołodieži v Litvie ostałoś jeŝio mieńšie, vot eto riealnyje pokazčyki .

Stryžak pra Pratasieviča: Sa mnoj takoha adbycca nie mahło6

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi2

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii2

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

U rasijskim Krasnadary ludzi pierakryli vulicu z-za adklučeńniaŭ śviatła1

Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała1

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło6

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →