Śviet

Prezident Makron palacieŭ u achoplenuju buntam Novuju Kaledoniju

Aŭstralija i Novaja Ziełandyja tym časam pačali evakujavać sa stalicy Novaj Kaledonii svaich hramadzian i inšych zamiežnikaŭ.

Spalenyja ŭ Numiea aŭtamabili. Fota: Nicolas Job / AP

Prezident Francyi Emanuel Makron u aŭtorak viečaram vylecieŭ na cichaakijanski archipiełah Novaja Kaledonija — zamorskuju terytoryju Francyi, dzie ŭžo tydzień praciahvajucca biesparadki z padpałami budynkaŭ i zabojstvami, piša Bi-bi-si.

Aŭstralija i Novaja Ziełandyja tym časam pačali evakujavać sa stalicy Novaj Kaledonii, Numiea, svaich hramadzian i inšych zamiežnikaŭ.

Da dalokaha archipiełaha prezidencki samalot dalacić tolki kali tam budzie ŭžo čaćvier. Makron sustreniecca ź miascovymi čynoŭnikami, palitykami i pradstaŭnikami supołak i, pavodle aficyjnych paviedamleńniaŭ, abmiarkuje ź imi naładžvańnie dyjałohu i adnaŭleńnie razburanaha.

«Prezident praviadzie dyskusii z usimi siłami ŭ Novaj Kaledonii. Meta — padrychtavać adnaŭleńnie. Prezident taksama lacić tudy, kab adnavić dyjałoh», — cytuje ahienctva AFP premjer-ministra Francyi Habryela Atala.

Biesparadki ŭ Novaj Kaledonii ŭspychnuli tydzień tamu. Častka karennych žycharoŭ archipiełaha, kanakoŭ, pačała takim čynam pratestavać suprać pryniataha parłamientam u Paryžy zakona, pavodle jakoha prava hołasu na vybarach atrymajuć pryjezdžyja z Francyi, jakija pražyli ŭ Novaj Kaledonii 10 hadoŭ.

Kanaki, jakija składajuć krychu bolš za 40% z 270-tysiačnaha nasielnictva Novaj Kaledonii, aścierahajucca, što ŭ vyniku źnizicca palityčnaja vaha ich abščyny.

U chodzie biesparadkaŭ byli zabityja šeść čałaviek, pry hetym, jak pieradaje ahienctva AFP, troje ź ich, kanaki, byli zastrelenyja atradami samaabarony inšych etničnych abščyn.

Francyja dasłała ŭ Novuju Kaledoniju padmacavańnie z 1050 žandaraŭ, i ŭ apošnija dni situacyja stała krychu spakajniejšaj, ale da poŭnaha adnaŭleńnia paradku jašče vielmi daloka.

Mer stalicy Numiea Sonia Łahard u aŭtorak skazała ŭ efiry francuzskaha telekanała BFMTV, što za papiaredniuju noč byli padpalenyja dźvie škoły i 300 aŭtamabilaŭ miascovaha dylera kampanii Renault.

Sonia Łahard, siabra Partyi Makrona «Reniesans», zaklikaje prezidenta «zrabić paŭzu» ŭ pracesie ŭviadzieńnia novaha zakona ŭ dziejańnie.

Francuzskaja apazicyja, byłyja premjer-ministry Francyi i lidary inšych cichaakijanskich dziaržaŭ i terytoryj taksama ličać, što Makronu varta admianić abo prypynić vybarčuju reformu ŭ Novaj Kaledonii.

Z-za biesparadkaŭ začyniŭsia dla kamiercyjnych rejsaŭ aeraport Numiea, i na vostravie zatrymalisia sotni zamiežnikaŭ.

U aŭtorak Aŭstralija vyviezła dvuma bartami 108 svaich i čužych hramadzian, jašče 50 evakujavaŭ Novaziełandski vajskova-transpartny samalot. Jak paviedamlajuć ułady Novaj Kaledonii, u bližejšyja dni płanujucca novyja evakuacyjnyja rejsy.

Novaja Kaledonija mieścicca ŭ Cichim akijanie prykładna za 1300 km na ŭschod ad Aŭstralii i ŭ 2000 km na poŭnač ad Novaj Ziełandyi. Jana była dałučana da francuzskaj kałanijalnaj impieryi ŭ 1853 hodzie.

U 1946 hodzie jana atrymała status zamorskaj terytoryi, i ŭsie jaje žychary, uklučajučy kanakoŭ, zdabyli hramadzianstva Francyi.

Novaja Kaledonija — davoli zamožnaja terytoryja: VUP na dušu nasielnictva ŭ joj — amal 35 tys. dalaraŭ — bolš, čym u pałovy jeŭrapiejskich krain.

Kamientary

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →