Hramadstva33

Knyrovič nazvaŭ hałoŭnuju chłuśniu Łukašenki

«My možam havaryć pra nulavyja jak pra narmalnuju krainu. I pra dziasiatyja — jak pra stračanaje dziesiacihodździe».

Alaksandr Łukašenka. Photo by Contributor Getty Images

Padčas razmovy ŭ novym vypusku TOKu biznesmien Alaksandr Knyrovič źviarnuŭ uvahu na zajavu Łukašenki ab tym, što «ŭ kožnaha biełarusa cełaja tysiača dołaraŭ u banku». Jon ličyć heta hałoŭnaj chłuśnioj.

Biznesmien zaŭvažaje, što dla raźliku biarecca ahulnaja kolkaść hrošaj na rachunku:

«Na depazitach lažyć $595. A astatnija $400 — heta zarobak, jaki siońnia pryjšoŭ, a zaŭtra čałaviek jaho patracić. Ci heta piensija, jakaja pryjšła i budzie vydatkavana na zvyčajnyja rečy».

Biznesmien taksama prapanuje pahladzieć, kolki čałaviek majuć układy ŭ bankach. Pa jaho słovach, z 9 miljonaŭ nasielnictva «tolki miljon niešta maje ŭkłaści na hety depazit. Vosiem miljonaŭ nie majuć naohuł nijakich depazitaŭ».

Knyrovič paraŭnoŭvaje situacyju z susiednich ź Biełaruśsiu krainach Jeŭropy:

«U Łatvii ličba samaja małaja — heta 6 tysiač dołaraŭ na čałavieka. Samaja vialikaja budzie bolš za 8 tysiač. Takim čynam, na depazitach u litoŭcaŭ i palakaŭ u 15 razoŭ bolš hrošaj. I tam amal kožnaja siamja maje depazit».

@tokbelarus Naskolko biełorusy zakonoposłušny? Mnienije biźniesmiena #biełaruś #biełorusy #italija #italjancy #zakon #biełaruśnovosti #novostibiełarusi ♬ sonido original - Nightcore Nation

Na pytańnie ab tym, što, moža, biełarusy zachoŭvajuć svaje źbieražeńni doma pad paduškaj, Knyrovič adkazaŭ: «Upeŭnieny, što heta nie tak. Mahčyma my atrymajem jašče 600 dołaraŭ, jakija schavanyja pad matracam da tych 600, što ŭ banku.

I na hetym usio. Mienavita tamu što zarobak u Biełarusi čystymi 550 dołaraŭ, a ŭ Estonii, Litvie heta ŭžo ličba 1200-1300 paśla padatkaŭ».

Alaksandr Knyrovič Aleksandr Knyrovič Alexander Knyrovich
Alaksandr Knyrovič. Skryn videa TOK_talk / YouTube

«My — kraina, jakaja zastałasia na miescy. Luby čynoŭnik (i sam Łukašenka) kali pačynaje kazać «u paraŭnańni z 91-m hodam», ci z 2000-m, ci «za 30 hadoŭ», voś z hetaha miesca pačynajecca chłuśnia.

Čamu? Tamu što, kali ty hladziš na raźvićcio Biełarusi, ty bačyš, što naprykancy 1990-ch heta byŭ taki rost, kali my našu vytvorčaść (tyja samyja MAZy) zahružali, i heta pačynała pracavać. 2000-ja hady heta byŭ «vuhlevadarodny bum» uśled za Rasijaj. U 2011-m my stali kołam. Pačałosia bałota. I za apošnija 10 hadoŭ my zastalisia na miescy. <…> Heta stračanaje dziesiacihodździe. <…> My možam havaryć pra nulavyja jak pra narmalnuju krainu i dziasiatyja jak pra stračanaje dziesiacihodździe».

Hladzicie całkam:

Kamientary3

  • Rudy Rumas
    23.05.2024
    Pry ŭsioj pavazie da Knyroviča, ale ŭžo sam by łabudu nia nios. Viadomyja ž ličby: u toj ža Litvie kala 60% nasielnictva nie majuć finansavaj paduški ci jana značna nižej patrebnaj; u ZŠA (!), darahi sp. Knyrovič, kala 60% nasielnictva nie mohuć navat pakryć niespadziavanyja vydatki ŭ 1000 dalaraŭ(!) za košt nakapleńniaŭ. Užo nie kažučy pra hihanckuju roźnicu ŭ paŭsiadzionnych kastach u Biełarusi i krainach Zachadu.
    Łoviačy na chłuśni dyktatara, nia treba ludziam choć sikać u vočy. Prablema ž nie ŭ kolkaści hrošaj na rachunku, a za košt jakich aščadžeńniaŭ jany tam akazvajucca i mahčymaściach tryvała padtrymlivać prystojny ŭzrovień žyćcia, nie azirajučysia na nieabchodnaść trymać dalary pad matrasam.
  • Anton
    23.05.2024
    My možam havaryć pra nulavyja jak pra narmalnuju krainu

    Heta mocnaja iluzija spadara Knyroviča. To byli časy rostu suśvietnych naftavych koštaŭ, kali łukašenka atrymlivaŭ vuhlavadarody pa palityčna zanižanych rasiejskich koštach, častku pierarablaŭ, častku prosta pierapradavaŭ na zachad, ale pa suśvietnych koštach i nie addajučy Rasiei ekspartovyja myty. Istotnaja častka hetych hrošaŭ išła na sproby halvanizavać nieefiektyŭny dziaržsektar i paźbiehnuć ŭ im strukturnych reform i tonkim płastom raspaŭzałasia pa ŭsiamu biełaruskamu hramadstvu, padtrymlivajučy mif ab "efiektyŭnaj biełaruskaj madeli". Efiektyŭnaść ekanomiki nie rasła, ale dachody nasielnictva sapraŭdy raśli, tamu ŭsio hetaje ščaście było časovym. Ale inviestavać hetyja dachody va ŭmovach niemahčymaści isnavańnia fondavaha rynku pad čas dyktatury było niama kudy, aprača nieruchomaści i bankaŭskich depazitaŭ. Heta navat pry adsutnaści ilhotnaj ipateki spravakavała napampoŭvańnie burbałcy na rynku nieruchomaści. Napampoŭcy koštaŭ spryjała i toje, što piervičny rynak nieruchomaści kantralavaŭsia łukašenkaj i budavać dazvalałasia tolki nabližanym da łukašenki. Biznes klimat, jak   i raniej, zastavaŭsia niespryjalnym i niepradkazalnym. Adnačasova za košt naftadalaraŭ išło zamacavańnie dyktatury i dalejšaje źniščeńnie demakratyčnych instytutaŭ. Tamu anijakaj narmalnaj krainy navat tady nie isnavała - heta byŭ vyklučna časovy efiekt rasiejskaha naftahazavaha dopinhu.
  • Amatar
    23.05.2024
    Praściej: Siaredni biełarus apošnija 25 hod zarablaŭ pryblizna pałovu zarobka siaredniaha palaka. I hetuju roźnicu ŭ dabrabycie ŭžo nie dahnać.

Ispanija čaćvierty raz u historyi vyjhrała Jeŭra — i heta rekord VIDEA5

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

U pałacy Ahinskaha ŭ Zaleśsi adkryli vystavu, pryśviečanuju «podźviham» savieckich čekistaŭ FOTAFAKT3

U Zelvie zładzili prapahandyscki konkurs da 80-hodździa vyzvaleńnia Biełarusi. Najbolšym kreatyvam ździvili słonimcy FOTAFAKT9

Chrenin paśla zahadu Łukašenki imhnienna pačaŭ advodzić vojski z paŭdniovaj miažy21

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA5

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →