Zafiksavanaje padzieńnie mietearyta ŭ Biełarusi. Fota: «Trybuna pracy»

Zafiksavanaje padzieńnie mietearyta ŭ Biełarusi. Fota: «Trybuna pracy»

Minski płanietaryj prosić žycharoŭ Babrujskaha rajona akazać dapamohu ŭ pošukach frahmientaŭ mietearyta. Pra heta paviedamlaje rajonnaja hazieta «Trybuna pracy». 

Kamiery biełaruskaj mieteornaj sietki zafiksavali na paŭdniovy ŭschod ad Minska jarki vohnienny šar, jaki byŭ jarčejšym za poŭniu, jašče 1 maja ŭ 03:32:16 pa miascovym časie. Balid pieramiaščaŭsia pa niebie kala 8 siekund i mieŭ jarka-zialony koler. Masa kaśmičnaha cieła pierad uvachodam u atmaśfieru aceńvajecca ŭ 1,5 tony.

Jak raspavioŭ zahadčyk Minskaha płanietaryja Alaksandr Mikulič, raźličana imaviernasnaje pole vypadzieńnia mietearyta i praviedzieny jaho pieršyja pošuki siłami amataraŭ astranomii i vałancioraŭ, jakija pakul nie mieli pośpiechu.

«Šukajuć kaśmičnyja kamiani, nie parušajučy vierchni płast hruntu, a dla vyjaŭleńnia vykarystoŭvajucca śpiecyjalnyja mahnity», — patłumačyŭ mietodyku pošuku Mikulič.

Miascovaść na paŭnočny zachad ad Babrujska, dzie mohuć być frahmienty mietearyta. Fota: Naša Niva, OSM

Miascovaść na paŭnočny zachad ad Babrujska, dzie mohuć być frahmienty mietearyta. Fota: Naša Niva, OSM

Miarkujecca, što frahmienty mietearyta vypali pa linii viosak Vierbki (10-50 h), Raksalanka (50-100 h), Iziumava (200-500 h), Padjasienka (1-1,5 kh) Babrujskaha rajona Mahiloŭskaj vobłaści.

Śpiecyjalisty prosiać žycharoŭ hetych nasielenych punktaŭ źviartać uvahu na niezvyčajnyja kamiani roznych pamieraŭ, jakija lažać na pavierchni.

Mietearyt moža mieć čornuju abvuhlenuju skarynku z raskolinami i skołami, čornuju apłaŭlenuju matavuju pavierchniu abo karyčnievy ržava-bury koler. Mietearyt pavinien pryciahvać mahnit i być ćviordym, nie rychłym.

Jak moža vyhladać kamień z kosmasu na prykładzie frahmientaŭ čalabinskaha mietearyta. Fota: «Trybuna pracy»

Jak moža vyhladać kamień z kosmasu na prykładzie frahmientaŭ čalabinskaha mietearyta. Fota: «Trybuna pracy»

Fota mahnitnych kamianioŭ, padobnych da mietearyta, Minski płanietaryj prosić dasyłać na svaju elektronnuju poštu — [email protected].

«Unikalnaja znachodka mietearyta maje vialikaje navukovaje značeńnie i moža stać šostym viadomym mietearytam na terytoryi Biełarusi. Kamieniu z kosmasu prysvojvajecca nazva najbližejšaha nasielenaha punkta ad miesca pieršych znachodak», — padkreśliŭ Alaksandr Mikulič.

Čytajcie taksama:

Astranomy patencyjna znajšli ślady siami vysokaraźvitych cyvilizacyj

90-hadovy amierykaniec staŭ najstarejšym čałaviekam u kosmasie. Jaho palot doŭžyŭsia 10 chvilin

Astranomy vyjavili najbujniejšuju ŭ hałaktycy čornuju dzirku zornaj masy. Jana vielmi blizka da Ziamli

NASA ŭpieršyniu pakazała, što moža ŭbačyć čałaviek pry padzieńni ŭ zvyšmasiŭnuju čornuju dzirku VIDEA

Upieršyniu ŭ historyi biełaruska palacieła ŭ kosmas

Клас
5
Панылы сорам
2
Ха-ха
1
Ого
4
Сумна
2
Абуральна
1