Nieruchomaść99

U Kryžoŭcy nie ŭpieršyniu sprabujuć zdać pałac, šykoŭnych interjeraŭ jakoha saromiejucca navat ryełtary FOTY

Na cikavuju prapanovu arendy ŭ vioscy Kryžoŭka źviarnuli ŭvahu ŭ tyktoku. Pafasnyja interjery pałaca stali padstavaj dla žartaŭ. Tym časam ryełtary čaho tolki nie robiać, kab znajści arandatara dla elitnaj nieruchomaści: sprabavali prapanavać katedž i pasutačna za $768, i doŭhaterminova za $10 tysiač za miesiac.

Papiaredžvajem: dalej budzie vyklučna na movie raskošy. Ryełtary imknucca pryvabić u arandatary ludziej, dla jakich «nadyšoŭ momant pierajezdu ŭ rezidencyju dla kamfortnaha i raskošnaha pražyvańnia». Pišuć, što žyćcio ŭ pałacy dapamoža adčuć siabie asablivym.

Voś jašče arhumient z abjavy dla paśpiachovych biznesmienaŭ: «asabniak moža słužyć jak simvał statusu i pośpiechu kampanii, a taksama być vykarystany dla ŭmacavańnia dziełavych adnosin i pryciahnieńnia klijentaŭ».

Znachodzicca heta rezidencyja ŭ vioscy Kryžoŭka Minskaha rajona — heta litaralna ŭsiaho za 7 kiłamietraŭ ad MKAD, pobač Zasłaŭskaje vadaschovišča. Płošča ŭčastka — kala 15 sotak. Na im jość 2 altanki (ź letniaj kuchniaj i z kaminam i barbiekiu), vialiki basiejn z padahrevam, štučnaja sažałka, dzie płavali asiatrovyja, sadovyja drevy i dekaratyŭnyja chmyźniaki, pichty i šmathadovyja vysokija chvoi. Na ŭčastku raźmieščany haspadarčyja pabudovy z kacielnaj i avaryjnym hienierataram vialikaj mahutnaści. Jość i haraž 120 kvadrataŭ z aŭtamatyčnymi varotami.

Paviedamlajecca, što ŭnikalny katedž byŭ stvorany talenavitym architektaram. Jaho fasad upryhožany kałonami, vyhnutymi linijami i detalami, jakija nadajuć budynku elehantnaść i vytančanaść.

Trochpaviarchovy katedž byŭ pabudavany ŭ 2003 hodzie. Jon maje płošču bolš za 512 kvadrataŭ, ź jakich žyłaja kala 211 mietraŭ. Jość tam spalni z vannymi pakojami, kabiniety, kuchnia-haścioŭnia z kaminam, vialikaja kaminnaja zała, harderobnyja pakoi, pamiaškańni dla pakajoŭki i mnohaje inšaje.

Nie škadujučy epitetaŭ, u abjavie raskazvajuć pra ekskluziŭnyja elemienty dekoru ŭnutry budynka. I zdajecca, mienavita jany korań prablemy. Tamu što razmalavanyja ścieny, kran u vyhladzie załatoha lebiedzia, rakavina ŭ kvietačku sparadzili mnostva žartaŭ siarod karystalnikaŭ sacyjalnych sietak.

Mabyć, paśla hetaha ryełtary vyrašyli prybrać fatahrafii doma ŭnutry i pakinuli tolki zdymki fasada i ŭčastka.

Upieršyniu na toje, što źjaviłasia prapanova arandavać takuju raskošu, źviarnuli ŭvahu ŭ śniežni 2022 hoda. Tady ŭładar chacieŭ atrymlivać za svaju nieruchomaść $7 tysiač na miesiac. Zdajecca, znataka pryhažości adšukać tady nie ŭdałosia. Bo nieŭzabavie hety ž katedž stali prapanoŭvać dla pasutačnaj arendy za $768 za sutki. Ciapier ža jon znoŭ dastupny na ŭmovach doŭhaterminovaj arendy — tolki ŭžo za $10 tysiač štomiesiac.

Kamientary9

  • Draŭlany rub
    21.05.2024
    A čaho košty ŭ baksach, jakija chutka źniknuć?
  • 21.05.2024
    Voś čamu ŭ Biełarusi biespraśvietnaja sraka. Resursy krainy źlivajuć u niejkuju duratu kštałtu hetaj chaty. Doraha-bahata, ale brydka, biezsensoŭna, niazručna, prosta prasrali resursy. 
  • Abarmot
    21.05.2024
    Łohično: za 7 tysiač nikto ariendovať nie chočiet, davajtie poprobujem sdať za 10 tysiač))

Stała viadoma pra aryšt historyka Ihara Mielnikava

Stała viadoma pra aryšt historyka Ihara Mielnikava

Usie naviny →
Usie naviny

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

bolš čytanych navin
bolš łajkanych navin

Stała viadoma pra aryšt historyka Ihara Mielnikava

Stała viadoma pra aryšt historyka Ihara Mielnikava

Hałoŭnaje
Usie naviny →